അമ്പലപ്പുഴ : കരുനാഗപ്പള്ളിയിൽ നിന്ന് കാണാതായ വിജയലക്ഷ്മിയെന്ന യുവതിയെ കരൂരിൽ കാമുകൻ കൊലപ്പെടുത്തി കുഴിച്ചുമൂടിയ കേസിന്റെ അന്വേഷണം അമ്പലപ്പുഴ പൊലീസ് ഏറ്റെടുത്തു.കരുനാഗപ്പള്ളി​ ​കു​ല​ശേ​ഖ​ര​പു​രം​ ​കൊ​ച്ചു​മാ​മ്മൂ​ടി​ൽ​ ​വാ​ട​ക​യ്ക്ക് ​താ​മ​സി​ച്ചിരുന്ന​ ​വി​ജ​യല​ക്ഷ്മി​യെ (48) കൊലപ്പെടുത്തിയ കേസിന്റെ എഫ്.ഐ.ആറും സി.ഡി ഫയലുകളും കരുനാഗപ്പള്ളി പൊലീസ് കഴിഞ്ഞ ദിവസം അമ്പലപ്പുഴ പൊലീസിന് കൈമാറി.

കേസിൽ ജുഡീഷ്യൽ കസ്റ്റഡിയിലുള്ള പ്രതി അ​മ്പ​ല​പ്പു​ഴ​ ​ക​രൂ​ർ​ ​പു​തു​വ​ൽ​ ​ജ​യ​ച​ന്ദ്ര​നെ​ ​(53​)​ ​കൂടുതൽ അന്വേഷണത്തിനായി കസ്റ്റഡിയിൽ വാങ്ങാനുള്ള നടപടികൾ അമ്പലപ്പുഴ പൊലീസ് ആരംഭിച്ചു. അമ്പലപ്പുഴയിൽ പുതുതായി രജിസ്റ്റർ ചെയ്ത കേസിന്റെ എഫ്.ഐ.ആർ കോടതിയിൽ സമർപ്പിച്ച പൊലീസ് ഇയാളെ കോടതിയിൽ ഹാജരാക്കുന്നതിനുള്ള പ്രൊഡക്ഷൻ വാറണ്ടിന് അപേക്ഷ നൽകി. വിജയലക്ഷ്മിക്ക് മറ്റൊരാളുമായുള്ള സ്നേഹബന്ധമാണ് ​കൊ​ല​പാതകത്തിന് കാരണമായത്.

ജയചന്ദ്രനെ കസ്റ്റഡിയിൽ വാങ്ങിയശേഷമേ വിജയലക്ഷ്മിയെ കൊലപ്പെടുത്തിയ ആയുധവും മറവ് ചെയ്യാനുപയോഗിച്ച സാധനങ്ങളും ആഭരണങ്ങൾ വിറ്റ ജൂവലറിയും പണവും മറ്റും കണ്ടെത്താനാകൂ.