അമ്പലപ്പുഴ: ഉരുൾപൊട്ടലുണ്ടായ വയനാടിന് അർഹമായ കേന്ദ്രസഹായം അനുവദിക്കാത്തതിൽ പ്രതിഷേധിച്ച് രാഷ്ട്രീയ ജനതാദൾ ജില്ലാ കമ്മിറ്റിയുടെ ആഭിമുഖ്യത്തിൽ ആലപ്പുഴ ഇരുമ്പുപാലത്തിന് സമീപമുള്ള തപാൽ ഓഫീസ് പടിക്കൽ ധർണ്ണ നടത്തി. സംസ്ഥാന ജനറൽ സെക്രട്ടറി സലിം മടവൂർ ഉദ്ഘാടനം ചെയ്തു. ജില്ലാ പ്രസിഡൻ്റ് സാദിക് എം.മാക്കിയിൽ അദ്ധ്യക്ഷനായി. ഗിരീഷ് ഇലഞ്ഞിമേൽ , ജി.ശശിധരപ്പണിക്കർ, മോഹൻ സി.അറവന്തറ, ഭാരവാഹികളായ അനിരാജ് ആർ.മുട്ടം, ആർ.പ്രസന്നൻ, ഹാപ്പി പി.അബു, സതീഷ് വർമ, പി.ജെ.കുര്യൻ, ഷാനവാസ് പറമ്പി, ഷാനവാസ് കണ്ണങ്കര തുടങ്ങിയവർ സംസാരിച്ചു.