ആലപ്പുഴ: ആലപ്പുഴ നഗരസഭ കേരളോത്സവം ഡിസംബർ 7,8,9 തീയതികളിൽ നടക്കും. കേരളോത്സവത്തിന്റെ നഗരസഭാതല സ്വാഗതസംഘ രൂപീകരണയോഗം നഗരസഭാദ്ധ്യക്ഷ കെ.കെ.ജയമ്മ ഉദ്ഘാടനം ചെയ്തു. കൗൺസിൽ ഹാളിൽ സംഘടിപ്പിച്ച യോഗത്തിൽ വൈസ് ചെയർമാൻ പി.എസ്.എം ഹുസൈൻ അദ്ധ്യക്ഷത വഹിച്ചു. വിദ്യാഭ്യാസ സ്റ്റാൻഡിംഗ് കമ്മിറ്റി ചെയർപേഴ്‌സൺ ആർ.വിനിത സ്വാഗതം പറഞ്ഞു. സ്ഥിരം സമിതി അദ്ധ്യക്ഷരായ നസീർ പുന്നക്കൽ, എ.എസ്.കവിത, എം.ആർ.പ്രേം, നഗരസഭ മുൻ അദ്ധ്യക്ഷ സൗമ്യരാജ്, കൗൺസിലർമാർ, യുവജന ക്ഷേമ ബോർഡ് നഗരസഭാതല കോർഡിനേറ്റർ ജാക്‌സൺ പീറ്റർ, വിവിധ സംഘടനാ പ്രതിനിധികൾ തുടങ്ങിയവർ പങ്കെടുത്തു. 52 കൗൺസിലർമാരെയും കലാ, കായിക, യുവജന പ്രതിനിധികളെയും ഉൾപ്പെടുത്തി 14 സബ് കമ്മറ്റികളും എക്‌സിക്യൂട്ടീവ് കമ്മിറ്റിയും രൂപീകരിച്ചു. 27 മുതൽ ഡിസംബർ 4 വരെ രാവിലെ 10.30 മുതൽ വൈകുന്നേരം 5 മണിവരെ നഗരസഭ മിനി ജനസേവനകേന്ദ്രത്തിൽ രജിസ്റ്റർ ചെയ്യാം.
സംഘാടക സമിതി
രക്ഷാധികാരികളായി കെ.സി.വേണുഗോപാൽ എം.പി, എം.എൽ.എമാരായ പി.പി.ചിത്തരഞ്ജൻ, എച്ച്.സലാം, യുവജനക്ഷേമ ബോർഡ് അംഗങ്ങളായ ടി.ടി. ജിസ്‌മോൻ, എസ്.ദീപു,
ചെയർപേഴ്‌സണായി നഗരസഭാദ്ധ്യക്ഷ കെ.കെ.ജയമ്മയും വൈസ് ചെയർമാന്മാരായി നഗരസഭ വൈസ് ചെയർമാൻ പി.എസ്.എം ഹുസൈൻ, സ്ഥിരം സമിതി അദ്ധ്യക്ഷന്മാരായ എം.ജി.സതീദേവി, എ.എസ്.കവിത, നസീർ പുന്നക്കൽ, എം.ആർ.പ്രേം, സൗമ്യരാജ്, ഡി.പി.മധു, അഡ്വ.റീഗോരാജു, ഇല്ലിക്കൽ കുഞ്ഞുമോൻ, എൽജിൻ റിച്ചാഡ്, ഷീലമോഹൻ, സോഫി എന്നിവരെയും വർക്കിംഗ് ചെയർമാനായി വിദ്യാഭ്യാസ സ്റ്റാന്റിംഗ് കമ്മറ്റി ചെയർപേഴ്‌സൺ ആർ.വിനിത, ജനറൽ കൺവീനറായി മുനിസിപ്പൽ സെക്രട്ടറി എ.എം.മുംതാസ്, ജോയിന്റ് കൺവീനറായി പി.ആർ.ആര്യ, കോർഡിനേറ്റേഴ്‌സ് സുമേഷ് പവിത്രൻ, സാലിൻ ഉമ്മൻ എന്നിവരെയും തിരഞ്ഞെടുത്തു.
#നഗരസഭ പരിധിയിൽ 15നും 40നും ഇടയിൽ പ്രായമുള്ളവർക്ക് പങ്കെടുക്കാം
#വ്യക്തിപരമായും ക്ലബുകളുടെ പേരിലും മത്സരിക്കാം
# രജിസ്‌ട്രേഷൻ : 9847033394, 9061170303, 9745835335