മാവേലിക്കര: ഓണാട്ടുകര സാഹിതി സർഗ്ഗവസന്തം 12-ാം പതിപ്പ് 30ന് വൈകിട്ട് 3ന് എ.ആർ.സ്മാരകത്തിൽ നടക്കും. ചടങ്ങിൽ രാജാ രവിവർമ്മ അനുസ്മരണം നടത്തും. ആർട്ടിസ്റ്റ് മോഹൻ വാസുദേവൻ ഉദ്ഘാടനം ചെയ്യും. രക്ഷാധികാരി സരോജിനി ഉണ്ണിത്താൻ അദ്ധ്യക്ഷയാവും. ആർട്ടിസ്റ്റ് ജോൺസ് കൊല്ലകടവ് വരച്ച രാജാ രവിവർമ്മയുടെ ഛായാചിത്രം രക്ഷാധികാരി സ്വീകരിക്കും. ജോയിൻറ് സെക്രട്ടറി ശശികുമാർ മാവേലിക്കര ജോൺസ് കൊല്ലകടവിന് ആദരിക്കും. തുടർന്ന് നടക്കുന്ന കാവ്യം സുഗേയത്തിൽ ജെ.ഉണ്ണിക്കൃഷ്ണക്കുറുപ്പ് കവിത അവതരിപ്പിക്കും. അഡ്വ.സുരേഷ് കുറത്തികാടിന്റെ മാവേലിക്കരായനത്തിലെ കുറത്തികാടൻ കഥകൾ, കഥാകാരൻ കെ.കെ.സുധാകരൻ അവതരിപ്പിക്കുമെന്ന് പ്രോഗ്രാം കൺവീനർ ജോർജ് തഴക്കര അറിയിച്ചു.