മാന്നാർ: വിശുദ്ധ ഫ്രാൻസിസ് സേവ്യറിന്റെയും വിശുദ്ധ അന്തോണീസിന്റെയും തിരുശേഷിപ്പുകൾ പ്രതിഷ്ഠിച്ചിട്ടുള്ള പരുമല സെന്റ് ഫ്രാൻസിസ് സേവ്യർ റോമൻ കത്തോലിക്ക ദൈവാലയത്തിലെ വിശുദ്ധ ഫ്രാൻസിസ് സേവ്യറിന്റെ പാദുകാവൽ തിരുന്നാൾ ഇന്ന് മുതൽ ഡിസംബർ 3 വരെ നടക്കുമെന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.ഇന്ന് വൈകിട്ട് 5 ന് ഇടവക വികാരി ഫാ.ബെനറ്റ് എം.വി. കൊടിയേറ്റ് കർമ്മം നിർവ്വഹിക്കും. തുടർന്ന് ഡിസംബർ 3 വരെ എല്ലാ ദിവസവും രാവിലെയും വൈകിട്ടും തിരുകർമ്മങ്ങൾ നടക്കും. ഡിസംബർ 1 ന് ഉച്ചയ്ക്ക് 12ന് വിശുദ്ധ ഫ്രാൻസിസ് സേവ്യറിന്റെ തിരുശേഷിപ്പ് നടതുറക്കൽ, തിരുശേഷിപ്പ് പ്രദിക്ഷിണം. 3ന് രാവിലെ 10.30ന് തിരുന്നാൾ സമൂഹബലി, വൈകിട്ട് 3ന് സമാപന പ്രദിക്ഷിണം, കൊടിയിറക്ക് എന്നിവയോടെ തിരുന്നാൾ സമാപിക്കും. ഇടവക വികാരി ഫാ.ബെനറ്റ് എം.വി, തിരുന്നാൾ കമ്മിറ്റി കൺവീനർ ജിബി കെ.ജോസ് കാഞ്ഞിരത്തുംമൂട്ടിൽ, ജെയിംസ് ടി.എം. തുണ്ടുപറമ്പിൽ തുടങ്ങിയവർ വാർത്താ സമ്മേളനത്തിൽ പങ്കെടുത്തു.