കായംകുളം : ജില്ലാ സ്കൂൾ യുവജനോത്സവത്തിൽ മൂന്നാം തവണയും വൃന്ദവാദ്യത്തിൽ എ ഗ്രേഡോടെ ഒന്നാം സ്ഥാനം

മുഹമ്മ എ ബി വിലാസം ഹയർ സെക്കൻഡറി സ്കൂൾ. കഴിഞ്ഞ രണ്ടു തവണയും ഹൈസ്കൂൾ വിഭാഗത്തിൽ ഒന്നാമതായിരുന്നെങ്കിൽ ഇക്കുറി ഹയർ സെക്കൻഡറിയിൽ ഒന്നാമതെത്തിയാണ് സ്കൂൾ ഹാട്രിക് സ്വന്തമാക്കിയത്.

2002 ൽ ഒന്നാം സ്ഥാനം നേടിക്കഴിഞ്ഞപ്പോൾ ടീം വിപുലീകരിച്ചു. ചെണ്ട അഭ്യസിക്കുന്ന വിദ്യാർത്ഥികളെ കൂടി ഉൾപ്പെടുത്തി സ്കൂൾ മ്യൂസിക് ബാൻഡ് ടീം രൂപീകരിച്ചു. "ദി ബീറ്റ് റൂട്ട് ' എന്ന പേരിൽ ഇവർ പൊതുപരിപാടികളിൽ ഫ്യൂഷൻ പരിപാടികൾ അവതരിപ്പിച്ചു വരുന്നുണ്ട്. ഇതിനകം അമ്പതോളം വേദികൾ ഇവർ പിന്നിട്ടു. ഒരു ടെലിവിഷൻ ചാനലിന്റെ പരിപാടിയിലൂടെ ഒരു ലക്ഷം രൂപയുടെ സമ്മാനവും നേടി. അക്ഷയ് ഹരി (ഫ്ലൂട്ട്, സാക്സോഫോൺ ), ടി എസ് അഭിഷേക് ( ഡ്രംസ് ), അശ്വതി അനിൽ ( ഗിത്താർ ) ,ഗൗരി ജി.ബിജു ( കീബോർഡ് ) കെ .എസ്.ഗൗരി (റിഥം പാഡ് ), അദ്വൈത് മനോജ് ( പെർക്യൂഷൻ ) ,വി.എം.ദക്ഷായക് ( കീബോർഡ്) എന്നിവരാണ് ഉപകരണങ്ങൾ കൈകാര്യം ചെയ്‌തത്. മനോജ്‌ മോഹൻ (പെർക്യൂഷൻ), ഷിബു അനിരുദ്ധ് (മെലഡി),അനൂപ് ആനന്ദ് (കീബോർഡ് ), ജോസഫ് സിജു (ഗിറ്റാർ), എന്നിവരാണ് ടീമിന്റെ പരിശീലകർ. സ്കൂളിലെ സംഗീതാധ്യാപകൻ ബി എസ് ബിബിൻ , അദ്ധ്യാപിക പി.ആർ.അശ്വതി എന്നിവർക്കാണ് ടീമിന്റെ മേൽനോട്ടം