കൂത്താട്ടുകുളം: കലാവതരണങ്ങളും ചെണ്ടമേളവുമായി കൂത്താട്ടുകുളം ഗവ. യു.പി സ്കൂളിൽ കുട്ടികളുടെ കേരളപ്പിറവി ദിനാഘോഷം. ചെണ്ടവാദ്യത്തിൽ 25 വർഷം പിന്നിട്ട കലാലയ വാദ്യസംഘത്തിലെ പുതുക്കുളം രാജേഷ് മുഖ്യാതിഥിയായി. എസ്. ദേവനന്ദൻ, കാശിനാഥ് എം. പ്രദീഷ്, വൈശാഖ് ശശി, ആദിനാഥ് അനൂപ്, കൈലാസ് എം. പ്രദീഷ്, ജെയ്സ് ജോബിൻ, സൂര്യദേവ് ഷിൽജ എന്നിവർ മേളം അവതരിപ്പിച്ചു. കേരളഗാന അവതരണം, പോസ്റ്റർ രചനാ മത്സരം എന്നിവയുമുണ്ടായി. പി.ടി.എ പ്രസിഡന്റ് മനോജ് കരുണാകരൻ അദ്ധ്യക്ഷനായി. സി.എച്ച്. ജയശ്രി, ഒ.വി. പ്രതി, ധന്യ ആർ. നായർ, വി.ജി നീതു, ബിസ്മി ശശി തുടങ്ങിയവർ സംസാരിച്ചു.