തൃപ്പൂണിത്തുറ: ബസിൽ കയറാൻ ശ്രമിക്കുന്നതിനിടെ ചവി​ട്ടുപടി​യി​ലെ കമ്പിയിൽ നിന്ന് പിടിവിട്ട് താഴെവീണ വൃദ്ധയുടെ ശരീരത്തി​ലൂടെ ബസി​ന്റെ പി​ൻചക്രം കയറിയി​റങ്ങി​ ദാരുണാന്ത്യം. പൂണിത്തുറ അയ്യങ്കാളി റോഡ് കളരിക്കത്തറവീട്ടിൽ പത്മനാഭന്റെ മകൾ സുജാതയാണ് (68) മരിച്ചത്. തെക്കുംഭാഗം ചൂരക്കാടുള്ള ബസ് സ്റ്റോപ്പിൽനിന്ന് ബസിൽ കയറാൻ ശ്രമിക്കവേ ഇന്നലെ വൈകിട്ട് 6.30 ഓടെയായിരുന്നു അപകടം.

ചൂരക്കാട് ഭാഗത്തുള്ള വീട്ടിൽ ജോലിചെയ്യുന്ന സുജാത തിരികെ വീട്ടിലേയ്ക്ക് മടങ്ങുകയായി​രുന്നു. മൃതദേഹം താലൂക്കാശുപത്രി മോർച്ചറിയിൽ. പോസ്റ്റ്മോർട്ടത്തിനുശേഷം ഇന്ന് ഉച്ചയ്ക്ക് 1ന് തൃപ്പൂണിത്തുറ ശ്മശാനത്തിൽ സംസ്കരി​ക്കും.