കൂത്താട്ടുകുളം: വടകര എൽ.എഫ്.എച്ച്.എസ് സ്കൂളിലെ എസ്.പി.സി യൂണിറ്റ് കുട്ടികൾ കൂത്താട്ടുകുളം ജനമൈത്രി പോലീസ് സ്റ്റേഷൻ സന്ദർശിച്ചു. പോലീസ് സ്റ്റേഷന്റെ പ്രവർത്തനം,​ ഉദ്യോഗസ്ഥരുടെ ചുമതലകൾ,​സ്റ്റേഷനിൽ ഉപയോഗിക്കുന്ന ആയുധങ്ങൾ എന്നിവയെക്കുറിച്ച് മനസിലാക്കാൻ സന്ദർശനം സഹായകമായി. കുട്ടികൾക്കും യുവാക്കൾക്കും ഇടയിൽ വർദ്ധിക്കുന്ന ലഹരി ഉപയോഗം നിയന്ത്രിക്കാൻ കേഡറ്റുകൾക്ക് ഉത്തരവാദിത്വം ഉണ്ടെന്ന് സബ് ഇൻസ്പെക്ടർ ശാന്തകുമാർ പറഞ്ഞു. എസ്.എച്ച്.ഒ വിൻസെന്റ് ജോസഫ്സ,​ സബ് ഇൻസ്പെക്ടർമാരായ കെ.പി. സജീവ്, ഷിബു വർഗീസ്,​ പി.ആർ.ഒ അനിൽകുമാർ, സീനിയർ സി.പി.ഒ സുനീഷ് എന്നിവർ പ്രസംഗിച്ചു. എസ്.പി.സി കേഡറ്റുകൾ അവതരിപ്പിച്ച ഫ്ലാഷ് മോബ്, കേരള ഗാനം എന്നിവ പുതുമയായി.