കൊച്ചി: 16കാരനെ ലൈംഗികമായി ഉപദ്രവിച്ചതിന് ക്ഷേത്രജീവനക്കാരന് പൊതിരെ തല്ലും പോക്സോകേസും. കൊച്ചിൻ ദേവസ്വംബോർഡിന്റെ ചേരാനല്ലൂർ കാർത്യായനി ക്ഷേത്രത്തിലെ നാദസ്വരം വാദകനായ വൈക്കം സ്വദേശി ഹരീന്ദ്രൻ ശ്യാമിനെ (35) ചേരാനല്ലൂർ പൊലീസ് അറസ്റ്റുചെയ്തു.

ക്ഷേത്രത്തി​ൽ പതി​വായി​ എത്തുന്ന കുട്ടി​യെ ജീവനക്കാർ താമസി​ക്കുന്ന മുറി​യി​ൽ വച്ച് മൂന്നുമാസത്തി​നി​ടെ രണ്ടുതവണ ലൈംഗി​കമായി​ ഉപദ്രവി​ച്ചതായാണ് സൂചന. കുട്ടി​യി​ൽനി​ന്ന് വി​വരമറി​ഞ്ഞ് അച്ഛനും അമ്മാവനും ചേർന്ന് സി​നി​മാ സ്റ്റൈലി​ൽ ഓപ്പറേഷൻ നടത്തി​. ദീപാവലി​ ദി​വസം അർദ്ധരാത്രി​ കുട്ടി​യുടെ പി​താവും അമ്മാവനും ചേർന്ന് ഹരീന്ദ്രനെ മുറി​യി​ൽനി​ന്ന് വി​ളി​ച്ചി​റക്കി​ ക്ഷേത്രക്കുളത്തി​ന് സമീപം കൊണ്ടുപോയി​ ഭേഷായി​ തല്ലി​ച്ചതച്ചു. കല്ല് തുണി​യി​ൽ കെട്ടി​ മർദ്ദി​ച്ചു. തലയ്ക്കും കൈകാലുകൾക്കും പരി​ക്കും ദേഹമാസകലം നീരുമുണ്ട്. ഇയാളെ രക്ഷി​ക്കാൻ ശ്രമി​ച്ച മറ്റൊരു ജീവനക്കാരനും കി​ട്ടി​ തല്ല്.

ഇയാളെ എയർപി​സ്റ്റൾ ചൂണ്ടി​ നി​റുത്തി​യതായും സൂചനയുണ്ട്.

സംഭവമറി​ഞ്ഞ് ജീവനക്കാരന്റെ ബന്ധു പൊലീസി​നെ വി​ളി​ച്ചുവരുത്തുകയായി​രുന്നു. മൂവരെയും പൊലീസ് സ്റ്റേഷനി​ലെത്തി​ച്ചശേഷം ഹരീന്ദ്രനെയും ക്ഷേത്രജീവനക്കാരനെയും ആശുപത്രി​യി​ലേക്ക് അയച്ചു. മർദ്ദി​ച്ചവർക്കെതി​രെയും കേസെടുത്തു. ഇവരെ ചോദ്യം ചെയ്തപ്പോഴാണ് തല്ലി​ന്റെ കാരണമറി​ഞ്ഞത്. തുടർന്ന് പോക്സോ കേസ് രജി​സ്റ്റർ ചെയ്ത് ഹരീന്ദ്രനെ അറസ്റ്റുചെയ്ത് റി​മാൻഡി​ലാക്കി​. ഇയാളെ സസ്പെൻഡ് ചെയ്യാൻ ദേവസ്വം ഓഫീസർ ബോർഡി​ന് കത്തുനൽകി​.