കടവന്ത്ര: എസ്.എൻ.ഡി.പി യോഗം കടവന്ത്ര ശാഖയിലെ നടരാജഗുരു കുടുംബയോഗം അജിത് പത്മനാഭന്റെ വസതിയിൽ കൺവീനർ ഒ.ജി. സഹദേവന്റെ അദ്ധ്യക്ഷതയിൽ ചേർന്നു. പൊന്നുരുന്നി ഉമേശ്വരൻ പ്രഭാഷണം നടത്തി.

ശാഖാപ്രസിഡന്റ് ജവഹരി നാരായണൻ, സെക്രട്ടറി ടി.എൻ. രാജീവ്, മട്ടലിൽ ഭഗവതിക്ഷേത്ര മാനേജിംഗ് ട്രസ്റ്റി കെ.കെ. മാധവൻ, ടി.പി. അജിത്, ഭാമ പത്മനാഭൻ എന്നിവർ സംസാരിച്ചു. മട്ടലിലമ്മയ്ക്ക് ഒരടി മണ്ണിലേക്ക് മിനി സുകുമാരൻ, സുലോചന ബാബു, ഷാജി, ഭാമ പത്മനാഭൻ, ടി.പി. അജിത്, ഷനിൽകുമാർ, മുകുന്ദൻ എന്നിവരുടെ സംഭാവനകൾ കെ.കെ. മാധവൻ ഏറ്റുവാങ്ങി.