കാലടി: ട്വന്റി 20 പാർട്ടി മലയാറ്റൂർ-നീലീശ്വരം പഞ്ചായത്ത് കൺവെൻഷൻ നടത്തി. അങ്കമാലി നിയോജക മണ്ഡലം പ്രസിഡന്റ് ഡോ. വർഗീസ് ജോർജ് ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് ഫ്രാൻസിസ് കല്ലൂക്കാരൻ അദ്ധ്യക്ഷനായി. പാർട്ടി സംസ്ഥാന എക്സിക്യൂട്ടിവ് ബോർഡ് അംഗം അഡ്വ. ചാർളി പോൾ, ഡെന്നീസ് കെ. പോൾ, എം.എം. ബാബു, വിൽസൺ ഇല്ലിത്തോട്, റോയ് പോൾ, അംബിക സഹദേവൻ, ഷിബി പൗലോസ് തുടങ്ങിയവർ പ്രസംഗിച്ചു. വാർഡ് തല കമ്മിറ്റികൾ രൂപീകരിക്കുവാനും വരുന്ന തിരഞ്ഞടുപ്പിൽ പഞ്ചായത്തിലെ മുഴുവൻ വാർഡുകളിൽ മത്സരിക്കുവാനും തീരുമാനിച്ചു.