മൂവാറ്റുപുഴ: സി.പി.ഐ മൂവാറ്റുപുഴ ടൗൺ സൗത്ത് ലോക്കൽ സെക്രട്ടറിയും വൈസ്‌മെൻ ഇന്റർനാഷണൽ ക്ലബ് മുൻ ഏരിയ പ്രസിഡന്റുമായിരുന്നു കാനം വിജയന്റെ അഞ്ചാമത് അനുസ്മരണം നടത്തി. കാനം വിജയന്റെ വസതിയിൽ നടന്ന അനുസ്മരണ ചടങ്ങ് മുൻ എം.എൽ.എ എൽദോ എബ്രഹാം ഉദ്ഘാടനം ചെയ്തു. ജോർജ് വെട്ടിക്കുഴി അദ്ധ്യക്ഷനായി. സി.പി.ഐ മണ്ഡലം സെക്രട്ടറി ജോളി പൊട്ടക്കൽ, സി.എം. ഇബ്രാഹിം കരീം, വിപിൻ തട്ടായത്ത്, സജി പാലത്തിങ്കൽ, ബിനീഷ് കുമാർ, കെ.കെ. ബാബു , പ്രൊഫ. ഹേമ വിജയൻ, കെ.എസ്. സുരേഷ് തുടങ്ങിയവർ സംസാരിച്ചു.