ചോറ്റാനിക്കര: വൈക്കം റോട്ടറി ക്ലബിന്റെ നേതൃത്വത്തിൽ തുടക്കംകുറിച്ച നമ്മുടെ ആട് പദ്ധതി റോട്ടറി അസിസ്റ്റന്റ് ഗവർണർ എസ്.ഡി. സുരേഷ്ബാബു ഉദ്ഘാടനം ചെയ്തു. വൈസ് പ്രസിഡന്റ്‌ സണ്ണി കുര്യാക്കോസ് അദ്ധ്യക്ഷനായി. നാൽപ്പതോളം കുടുംബങ്ങൾക്ക് പ്രയോജനം ലഭിക്കുന്ന തുടർപദ്ധതിയാണിത്. യു.കെയിൽ നിന്നുള്ള റോട്ടറി പ്രതിനിധി മാർട്ടിൻ പമ്പർ മുഖ്യാതിഥിയായി. എം.സി. ബോബി, രാജു തോമസ്, അലക്സ്‌ സണ്ണി, സെക്രട്ടറി ഷിജോ മാത്യു എന്നിവർ പ്രസംഗിച്ചു. ഡോ. ഷാജുവിന്റെ ക്ലാസുമുണ്ടായിരുന്നു.