കുമ്പളം: പള്ളുരുത്തി ബ്ലോക്ക് പഞ്ചായത്ത് പ്രസിഡന്റ് ബേബി തമ്പിയുടെ ബ്ലോക്ക് വാർഷിക വിഹിതഫണ്ട് വാർഡ് മാറ്റി ചെലവഴിച്ചതിനെതിരെ കുമ്പളം മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ നടത്തിയ പ്രതിഷേധം ഡി.സി.സി. സെക്രട്ടറി ഷെറിൻ വർഗീസ് ഉദ്ഘാടനം ചെയ്തു. മണ്ഡലം പ്രസിഡന്റ് സി.എക്‌സ്. സാജി അദ്ധ്യക്ഷനായി. ബ്ലോക്ക് പ്രസിഡന്റ് എൻ.പി. മുരളീധരൻ, സഹകരണബാങ്ക് പ്രസിഡന്റ് കെ.എം. ദേവദാസ്, ബ്ളോക്ക് പഞ്ചായത്ത് മെമ്പർമാരായ അഫ്‌സൽ നമ്പ്യാര്യത്, ജോളി പൗവത്തിൽ, ജോസ് വർക്കി, നേതാക്കളായ ബിസി പ്രദീപ്, മിനി ഹെൻട്രി, ടി.എ. സിജീഷ് കുമാർ, എസ്.ഐ. ഷാജി, സണ്ണി തന്നിക്കോട്ട്, വിമ സുകുമാരൻ, ലീല പദ്മദാസ്, ഷേർളി ജോർജ്, ജയൻ ജോസഫ്, എ.കെ. ദാസൻ എന്നിവർ സംസാരിച്ചു.