കൊച്ചി: നിയുക്ത ശബരിമല മേൽശാന്തി എസ്.അരുൺ നമ്പൂതിരിക്ക് കലൂർ പാവക്കുളം ശ്രീ മഹാദേവ ക്ഷേത്രത്തിൽ സ്വീകരണം നൽകി. ശബരിമല മുൻ മേൽശാന്തിയും പാവക്കുളം ക്ഷേത്രം മേൽശാന്തിയുമായ ഏഴിക്കോട് കൃഷ്ണദാസ് നമ്പൂതിരിയുടെ നേതൃത്വത്തിൽ പൂർണകുംഭം നൽകി സ്വീകരിച്ചു. ചടങ്ങിൽ വിശ്വഹിന്ദു പരിഷത്ത് സംസ്ഥാനാദ്ധ്യക്ഷൻ വിജി തിമ്പി, സംസ്ഥാന ട്രഷറർ വി.ശ്രീകുമാർ, പ്രശാന്ത് നമ്പൂതിരി, മൂർക്കന്നൂർ മോഹനൻ നമ്പൂതിരി, ക്ഷേത്രം ഭാരവാഹികളായ കെ.പി. മാധവൻകുട്ടി, ഉണ്ണിക്കൃഷ്ണ മേനോൻ തുടങ്ങിയവർ പങ്കെടുത്തു.