കൊച്ചി: വൈദികവൃത്തിയിൽ പതിറ്റാണ്ടുകളുടെ അനുഭവസമ്പത്തുള്ള ഹൈന്ദവ ആചാര്യ പ്രമുഖരെ ഇന്ന് കേരളകൗമുദി ആദരിക്കും. ഉച്ചയ്ക്ക് 12.30ന് എറണാകുളം ബി.ടി.എച്ചിൽ നടക്കുന്ന ചടങ്ങിൽ ദേവസ്വം, സഹകരണ വകുപ്പ് മന്ത്രി വി.എൻ. വാസവൻ ഇവർക്ക് മെമന്റോകൾ കൈമാറും. വടക്കുംപുറം ശശി​ധരൻ തന്ത്രി​, കെ.എൻ. രാമചന്ദ്രൻ ശാന്തി, ലാലൻ തന്ത്രി​, ടി​.ആർ. ശ്രീകാന്ത് തന്ത്രി​, സന്തോഷ് തന്ത്രി​ എന്നിവരെയാണ് ചടങ്ങിൽ മന്ത്രി വി.എൻ. വാസവൻ ആദരിക്കുക.

കെ.എൻ. ഉണ്ണികൃഷ്ണൻ എം.എൽ.എ അദ്ധ്യക്ഷത വഹിക്കുന്ന ചടങ്ങിൽ എസ്.എൻ.ഡി​.പി യോഗം കണയന്നൂർ യൂണി​യൻ ചെയർമാൻ മഹാരാജ ശി​വാനന്ദൻ, നഗരസഭാ കൗൺസിലർ പദ്മജ എസ്. മേനോൻ എന്നിവർ ആശംസ നേരും. കേരളകൗമുദി ബ്യൂറോ ചീഫ് ടി.കെ. സുനിൽകുമാർ സ്വാഗതവും സ്പെഷ്യൽ കറസ്പോണ്ടന്റ് എം.എസ്. സജീവൻ നന്ദിയും പറയും. സീനിയർ റിപ്പോർട്ടർ പി.എസ്. സോമനാഥൻ വൈദികാചാര്യന്മാരെ പരിചയപ്പെടുത്തും.