കൊച്ചി: ബ്ലൂടൈഗേഴ്‌സ് കേരള ഫിലിം പ്രൊഡ്യൂസേഴ്‌സ് പ്രീമിയർ ലീഗ് ക്രി​ക്കറ്റ് മത്സരത്തിന്റെ ക്വാർട്ടർ ഫൈനൽ മത്സരങ്ങൾ ഇന്ന് നടക്കും. ലീഗ് മത്സരത്തിൽ നിന്ന് യോഗ്യത നേടിയ എട്ട് ടീമുകളാണ് ക്വാർട്ടറിൽ ഏറ്റുമുട്ടുന്നത്. രാജഗിരി കോളജ് ഗ്രൗണ്ടിൽ ആദ്യം നടക്കുന്ന മത്സരത്തിൽ കിംഗ് മേക്കേഴ്‌സ് മില്ലേനിയം സ്റ്റാർസിനെ നേരിടും. തുടർന്ന് നടക്കുന്ന രണ്ടാം മത്സരത്തിൽ ക്ലബ് ടീം പ്രൊഡ്യൂസേഴ്‌സും വിഫ്റ്റ് കേരള ഡയറടേഴ്‌സും തമ്മിൽ ഏറ്റുമുട്ടും. ഉച്ചയ്ക്കുശേഷം നടക്കുന്ന മൂന്നാംക്വാർട്ടർ ഫൈനലിൽ കൊറിയോഗ്രാഫേഴ്‌സ് മാസ്റ്റർ ബ്ലാസ്റ്റേഴ്‌സിനെ നേരിടും. അവസാനമത്സരം കൊച്ചിൻ സൂപ്പർകിംഗും മാ ഫൈറ്റേഴ്‌സും തമ്മിലാണ്. മത്സരത്തിൽ ജയിക്കുന്ന നാല് ടീമുകൾ 15ന് നടക്കുന്ന സെമിയിൽ ഏറ്റുമുട്ടും.