വൈപ്പിൻ : ജോലി വാഗ്ദാനം ചെയ്ത് പണം തട്ടിയ കേസിൽ ഒരാൾ അറസ്റ്റിൽ. കോട്ടയം നീർപാറ തടത്തിൽ വീട്ടിൽ പ്രദീഷിനെയാണ് (37) ഞാറക്കൽ പൊലീസ് അറസ്റ്റ് ചെയ്തത്. കഴിഞ്ഞ മാർച്ചിലായിരുന്നു സംഭവം. ഞാറക്കൽ സ്വദേശിയായ പരാതിക്കാരന് കരിമുകൾ ബി.പി.സി. എൽ ബോട്ടിലിംഗ് പ്ലാന്റിൽ ജോലി ശരിയാക്കി കൊടുക്കാമെന്ന് പറഞ്ഞു വിശ്വസിപ്പിച്ച് 381800 രൂപ വാങ്ങിയത്. ശേഷം ജോലി നൽകാതെ കബളിപ്പിക്കുകയായിരുന്നു. ഇയാൾക്കെതിരെ അമ്പലമേട് പൊലീസ് സ്റ്റേഷനിൽ സമാനമായ കേസുണ്ട്. ഞാറക്കൽ ഇൻസ്പെക്ടർ സുനിൽ തോമസിന്റെ മേൽനോട്ടത്തിലുള്ള അന്വേഷണസംഘത്തിൽ എസ്.ഐ അഖിൽ വിജയകുമാർ, എ.എസ്.ഐ പി.ടി.സ്വപ്ന, സി. പി. ഒ മാരായ കെ.എം.പ്രജിത്ത്. കെ.എസ്.ശ്രീകാന്ത് എന്നിവരാണുണ്ടായിരുന്നത്.