കാലടി: മലയാറ്റൂർ നീലീശ്വരം കുടുബാരോഗ്യ കേന്ദ്രത്തിന്റെ ആഭിമുഖ്യത്തിൽ ലോക പ്രമേഹദിനം ആചരിച്ചു. റാലിയും ബോധവത്കരണ സെമിനാറും നടത്തി. സെന്റ് തോമസ് സ്കൂൾ പരിസരത്തു നിന്ന് ആരംഭിച്ച റാലി ഗ്രാമപഞ്ചായത്ത് ആരോഗ്യ സ്റ്റാൻഡിംഗ് കമ്മിറ്റി ചെയർമാൻ ഷിബു പറമ്പത്ത് ഫ്ലാഗ് ഓഫ്‌ ചെയ്തു. അംഗം സേവിയർ വടക്കഞ്ചേരി,സ്കൂൾ മാനേജർ ജോസ് ഉഴലക്കാട്ട് എന്നിവർ സംസാരിച്ചു. കുടുംബരോഗ്യ കേന്ദ്രം മെഡിക്കൽ ഓഫീസർ ഡോ. മഞ്ജു പ്രമേഹ രോഗത്തെ കുറിച്ച് ബോധവത്കരണ ക്ലാസെടുത്തു. ജൂനിയർ ഹെൽത്ത്‌ ഇൻസ്‌പെക്ടർമാരായ ആർ.എസ്. പ്രതാപൻ, പി.വി. വിനോജ് , സൂര്യ, നഴ്സു മാരായ റോസ് മേരി , നിസി, ജോയ്‌സി, മായ, രേഷ്മ, സിമി തുടങ്ങിയവർ നേതൃത്വം നൽകി.