വൈപ്പിൻ: മുനമ്പം ജനതയുടെ ഭൂമി സംരക്ഷിക്കണമെന്നും അനാവശ്യ ഇടപെടലുകൾക്ക് അവസരം നല്കാതെയും വർഗീയ രാഷ്ട്രീയത്തിന് വിട്ടുകൊടുക്കാതെയും പ്രശ്‌നം പരിഹരിക്കണമെന്നും റിട്ട. ജസ്റ്റിസ് പി.എസ്. ഗോപിനാഥൻ ആവശ്യപ്പെട്ടു. ഇതിനായി സർക്കാർ മുൻകൈ എടുക്കണം. ഗാന്ധിപീസ് ഫൗണ്ടേഷൻ, ഗാന്ധിവിചാരധാര, ഇന്ത്യൻ ഹ്യൂമൻ റൈറ്റ്‌സ് മൂവ്‌മെന്റ് ഗാന്ധിയൻ കളക്ടീവ് തുടങ്ങിയ സംഘടനകൾ മുനമ്പം സമരവേദിയിൽ നടത്തിയ ഉപവാസത്തിൽ പങ്കെടുത്ത് സംസാരിക്കുകയായിരുന്നു അദ്ദേഹം.
അഡ്വ.വി.എം. മൈക്കിൾ, ഇ.കെ.സോമൻ, ഈസാബിൻ, അബ്ദുൾ കരീം, മാത്യൂസ് പുതുശ്ശേരി, ജിയോജോസ്, പ്രൊഫ.കെ.പി.ശങ്കരൻ, ഫെലിക്‌സ് പുല്ലൂടൻ, വി.എസ്. ശ്യാംകുമാർ തുടങ്ങിയവർ പങ്കെടുത്തു.