കാക്കനാട്: തപാലിൽ രാവിലെ ഡ്രൈവിംഗ് ലൈസൻസ് കിട്ടിയ കോളേജ് വി​ദ്യാർത്ഥി​യുടെ ലൈസൻസ് നി​യമലംഘനത്തെത്തുടർന്ന് ഉച്ചയ്ക്കുശേഷം ആർ.ടി.ഒ സസ്പെൻഡ് ചെയ്തു. കോളേജിന് മുന്നിലൂടെ മറ്റു രണ്ടു കൂട്ടുകാരെ ബൈക്കിൽകയറ്റി യാത്രചെയ്തതിനെ തുടർന്നാണ് നടപടി​.

രണ്ടു ബൈക്കിൽ മൂന്നുപേർവീതം യാത്രചെയ്യുമ്പോൾ അതുവഴി പോവുകയായിരുന്ന എൻഫോഴ്സ്‌മെന്റ് ആർ.ടി.ഒ കെ. മനോജിന്റെ ശ്രദ്ധയിൽപ്പെട്ടതി​നെ തുടർന്നാണ് നടപടി. ബൈക്ക് ഓടിച്ച വിദ്യാർത്ഥികളെ ഓഫീസിലേക്ക് വിളിച്ച് വരുത്തി. അതിൽ ഒരാളുടെ ഡ്രൈവിംഗ് ലൈസൻസ് രാവിലെ തപാലിൽ കിട്ടിയതേയുള്ളുവെന്നും മനസി​​ലാക്കി​. തെറ്റ് ആവർത്തിക്കില്ലെന്ന് എഴുതി നൽകി. ബൈക്ക് ഓടിച്ചവരുടെ ലൈസൻസ് ഒരു മാസത്തേക്ക് സസ്പെൻഡ് ചെയ്യാനും 2000 രൂപവീതം പിഴയടക്കാനും ഉത്തരവിട്ടു.