കോലഞ്ചേരി: വധശ്രമക്കേസിലെ പ്രതിയെ കാപ്പചുമത്തി നാടുകടത്തി. തിരുവാണിയൂർ വെങ്കിട തെക്കേൽ അഭിജിത്തിനെയാണ് (28) ഒരു വർഷത്തേക്ക് നാടുകടത്തിയത്. റൂറൽ ജില്ലാ പൊലീസ് മേധാവി ഡോ. വൈഭവ് സക്‌സേനയുടെ റിപ്പോർട്ടിന്റെ അടിസ്ഥാനത്തിൽ റേഞ്ച് ഡി.ഐ.ജി തോംസൺ ജോസാണ് ഉത്തരവിട്ടത്.

കഴിഞ്ഞ 5 വർഷത്തിനുള്ളിൽ പുത്തൻകുരിശ് പൊലീസ് സ്​റ്റേഷൻ പരിധിയിൽ വധശ്രമം, കവർച്ച, ഭവനഭേദനം, സ്ത്രീകൾക്കെതിരെയുള്ള കു​റ്റകൃത്യം, ദേഹോപദ്റവം, ഭീഷണിപ്പെടുത്തൽ, പട്ടികജാതി പട്ടികവർഗക്കാർ ക്കെതിരെയുള്ള കു​റ്റകൃത്യം തുടങ്ങി നിരവധി കേസുകളിൽ പ്രതിയാണ്. കഴിഞ്ഞ മേയിൽ പുത്തൻകുരിശ് പൊലീസ് രജിസ്​റ്റർ ചെയ്ത വധശ്രമക്കേസിലും മ​റ്റൊരു കവർച്ച കേസിലും പ്രതിയായതിനെ തുടർന്നാണ് നടപടി.