കൊച്ചി: ശബരിമല അയ്യപ്പ സേവാ സമാജത്തിന്റെ നേതൃത്വത്തിൽ കളമശ്ശേരി ജ്ഞാന സിദ്ധി അയ്യപ്പക്ഷേത്രത്തിലെ അയ്യപ്പ സേവാ കേന്ദ്രത്തിന്റെ 60 ദിവസ പ്രവർത്തനത്തിന് തുടക്കമായി. അയ്യപ്പന്മാർക്ക് അന്നദാനവും കൂടാതെ കെട്ട് നിറക്കുന്നതിനുള്ള സൗകര്യവും വിശ്രമകേന്ദ്രവും ഒരുക്കിയിട്ടുണ്ട്. മന്ത്രി പി. രാജീവ്‌ അന്നദാന കേന്ദ്രം സന്ദർശിച്ചു. ക്ഷേത്രം സെക്രട്ടറി ജി. ഗിരീഷ് കുമാർ, പ്രസിഡന്റ്‌ കെ.കെ. ഗോപിനാഥൻ, ലോഹിതാക്ഷൻ, വിജയൻ, വിശ്വംഭരൻ, വിജയകുമാർ എന്നിവർ പങ്കെടുത്തു.