പെരുമ്പാവൂർ: തോട്ടുവ മംഗളഭാരതിയിൽ ചട്ടമ്പി സ്വാമി സമാധിയുടെ ശതാബ്ദിയോടനുബന്ധിച്ച് പഠന സംഗമം സംഘടിപ്പിച്ചു. സ്വാമിനി ജ്യോതിർമയി ഭാരതിയുടെ അദ്ധ്യക്ഷയായി. അദ്വൈത ചിന്താ പദ്ധതി എന്ന വിഷയത്തെ ആസ്പദമാക്കി ഡോ. ഷീബ (ശ്രീ ശങ്കരാചാര്യ സംസ്കൃത സർവകലാശാല, കാലടി ) പഠനക്ലാസ് നയിച്ചു. ഗുരു നിത്യ ചൈതന്യയുടെ സമഗ്ര ആരോഗ്യ വീക്ഷണം എന്ന വിഷയത്തിൽ ഡോ. എൻ.ആർ. വിജയ് രാജ്, വൈദ്യ അനിൽകുമാർ എന്നിവരും ക്ലാസെടുത്തു. ഡോ. ടി.ടി. കൃഷ്ണകുമാർ, സദാനന്ദൻ പുൽപ്പാനി, സുകുമാർ അരീക്കുഴ, വിദ്യാധരൻ മാസ്റ്റർ, കെ.പി. ലീലാമണി, സുനിൽ മാളിയേക്കൽ എന്നിവർ സംസാരിച്ചു.