കോലഞ്ചേരി: കുന്നത്തുനാട്ടിലെ ഐക്കരനാട്, മഴുവന്നൂർ, കുന്നത്തുനാട്, കിഴക്കമ്പലം പഞ്ചായത്തുകളിൽ അങ്കണവാടി വർക്കർ, ഹെൽപ്പർ തസ്തികകളിലേയ്ക്ക് വേണ്ടിയുള്ള സെലക്ഷൻ കമ്മിറ്റി യോഗം നടത്താൻ തീരുമാനമായതായി എം.എൽ.എ അറിയിച്ചു. ഈ പഞ്ചായത്തുകളിൽ നേരത്തെ സെലക്ഷൻ കമ്മിറ്റി യോഗം സാങ്കേതിക തടസങ്ങളിൽ കുരുങ്ങി കിടക്കുകയായിരുന്നു. ഇവിടെ ഒഴിവുകളിൽ നിയമനം നടത്താൻ സാധിക്കാത്തതിനാൽ അങ്കണവാടികളുടെ പ്രവർത്തനത്തെ സാരമായി ബാധിക്കുന്ന സാഹചര്യത്തിൽ ജില്ലാ വനിത ശിശുവികസന ഓഫീസറുടെ നിർദ്ദേശപ്രകാരമാണ് സെലക്ഷൻ കമ്മി​റ്റി യോഗം ചേരുന്നത്. ഐക്കരനാട്, കിഴക്കമ്പലം പഞ്ചായത്തുകളിൽ 25നും മഴുവന്നൂരിൽ 26നും കുന്നത്തുനാട്ടിൽ 27 നും യോഗം നടക്കും.