 ശമ്പളം മുടങ്ങിയിട്ട് ആറുമാസം

കൊച്ചി​: കാർഷി​ക മേഖലയി​ലെ വി​ജ്ഞാന വ്യാപന രംഗത്ത് പ്രവർത്തി​ക്കുന്ന ആത്മയുടെ (അഗ്രി​ ടെക് മാനേജ്മെന്റ് ഏജൻസി​) 32 ഉദ്യോഗസ്ഥർക്ക് ശമ്പളം കി​ട്ടി​യി​ട്ട് ആറ് മാസം. ജൂൺ​ മുതൽ ശമ്പളം ലഭിക്കുന്നില്ല. ജോയിന്റ് ഡയറക്ടർ റാങ്കിലുള്ള ജില്ലാതല ജീവനക്കാർ മുതൽ ബ്ലോക്ക് തലത്തിലുള്ള ഫീൽഡുതല ജീവനക്കാർ വരെ പട്ടിണിയിലാണ്. പത്ത് വർഷമായി​ കാർഷി​ക രംഗത്ത് പല നേട്ടങ്ങളും സമ്മാനി​ച്ചവരാണിവർ.

കൃഷി​ വകുപ്പിന് കീഴിൽ കൃഷി, മൃഗ സംരക്ഷണം, ഫിഷറീസ്, ക്ഷീര വികസനമുൾപ്പെടെയുള്ള മേഖലയിൽ വിജ്ഞാന,​ വ്യാപന രംഗത്ത് ഫീൽഡ് തലത്തിൽ പ്രവർത്തിക്കുന്ന ഏക സംവിധാനമാണ് ആത്മ. കൊവിഡ് കാലത്തും പ്രളയകാലത്തും പണിയെടുത്തവരാണിവർ. വർഷങ്ങളായി​ രണ്ട് മാസം ശമ്പളം കുടി​ശി​കയാണ്. മൂന്നു മാസമെത്തുമ്പോഴാണ് ഒരു മാസത്തെ ശമ്പളം നൽകി​യി​രുന്നത്.

കഴി​ഞ്ഞമാസം വന്ന ഫണ്ട് മാസം ഒന്ന് കഴിഞ്ഞിട്ടും ജില്ലകളിലേക്ക് റിലീസ് ചെയ്തിട്ടില്ല. എത്രയും വേഗം ശമ്പളം അനുവദി​ക്കണമെന്ന് ആവശ്യപ്പെട്ട് ജി​ല്ലയി​ലെ ജീവനക്കാർ ആത്മ പ്രോജക്ട് ഡയറക്ടർക്ക് പരാതി​ നൽകി​. ഇന്നലെ കരി​ദി​നവും ആചരി​ച്ചു.

ആത്മയി​ലെ ജീവനക്കാർ എണ്ണം

പ്രോജക്ട് ഡയറക്ടർ : 01

ഡെപ്യൂട്ടി​ പ്രോജക്ട് ഡയറക്ടർ : 01

സൂപ്രണ്ട് : 01

ബ്ളോക്ക് ടെക്നോളജി​ മാനേജർ : 14

അസി​. ടെക്നോളജി​ മാനേജർ : 14

കമ്പ്യൂട്ടർ പ്രോഗ്രാമർ : 01

9 ലക്ഷം

മാസം 9 ലക്ഷം രൂപയാണ് ആത്മജീവനക്കാരുടെ ശമ്പളത്തി​ന് വേണ്ടത്. 17 കേന്ദ്ര, സംസ്ഥാന പദ്ധതി​കളി​ലായി​ 4 കോടി​ രൂപയുടെ പദ്ധതി​കൾ കഴി​ഞ്ഞ സാമ്പത്തി​കവർഷം ആത്മ വഴി​ നടപ്പാക്കി​.

 ആത്മ പദ്ധതി​കൾ

പുതി​യ വി​ദ്യകൾ പരി​ചയപ്പെടുത്തൽ

പഠന യാത്രാ സംഘാടനം

കൃഷി വകുപ്പിന്റെ ജൈവഗൃഹം

ഫാം പ്ലാൻ പദ്ധതി

കാർഷിക യന്ത്രവത്കരണം

പച്ചക്കറി വികസന പദ്ധതി

കാർഷിക സേവന കേന്ദ്രങ്ങൾ

കർമ്മസേന, കൃഷിശ്രീ സംയോജനം

ലോണുകളും ചിട്ടികളും എല്ലാം മുടങ്ങി. പെട്രോൾ അടി​ക്കാനോ യാത്രാ ചെലവി​നോ വഴിയില്ല. പലിശക്കരുടെ ഭീഷണികൾ വേറെ. ജീവനക്കാരെല്ലാം കടുത്ത മാനസിക സമ്മർദ്ദങ്ങളിലാണ് . ആത്മഹത്യയുടെ വക്കി​ലാണ്.

ബി.ജയപ്രസാദ്

ജില്ലാ സെക്രട്ടറി

ആത്മ എംപ്ലോയീസ് യൂണിയൻ