കൊച്ചി: കേരള സ്റ്റാർട്ടപ്പ് മിഷനിൽ ഇൻകുബേറ്റ് ചെയ്ത ഗ്രീൻ ആഡ്‌സ് ഗ്ലോബൽ പ്രൈവറ്റ് ലിമിറ്റഡ് ഗൂഗിൾ മെസേജിന്റെ 'ഇന്നവേഷൻ ചാമ്പ്യൻ 2024' പുരസ്‌കാരം കരസ്ഥമാക്കി. ഗൂഗിൾ കമ്മ്യൂണിക്കേഷൻ പ്രോഡക്ട് പാർട്ണർഷിപ്പ് ഡയറക്ടർ അലിസ്റ്റർ സ്ലാറ്ററി, ഇന്ത്യ ഗൂഗിൾ മെസേജ് ഹെഡ് അഭിനവ് ഝാ എന്നിവരിൽ നിന്ന് കമ്പനി പ്രതിനിധികൾ അവാർഡ് ഏറ്റുവാങ്ങി.
എസ്.എം.എസ് ഗേറ്റ് വേ, വോയിസ് സൊല്യൂഷൻസ്, ഗൂഗിൾ ആർ.സി.എസ്. മെസേജുകൾ, വാട്‌സാപ്പ് സേവനങ്ങൾ, ചാറ്റ്‌ബോട്ട് എന്നിവ ഒരുക്കുന്ന ഗ്രീൻ ആഡ്‌സ് ഗ്ലോബലിന് 12 രാജ്യങ്ങളിലെ അയ്യായിരത്തോളം ഉപഭോക്താക്കളുണ്ട്. കേരളം ആസ്ഥാനമായ കമ്പനിക്ക് ഹൈദരാബാദ്, ദുബായ് എന്നിവിടങ്ങളിലും ഓഫീസുകളുണ്ട്.