കൊച്ചി: മുനമ്പം വിഷയത്തിൽ സാമുദായിക ധ്രുവീകരണത്തിലൂടെ രാഷ്ട്രീയ നേട്ടം കൊയ്യാനുള്ള സംഘപരിവാർ നീക്കം ചെറുക്കണമെന്നും സമവായത്തിലൂടെ പരിഹാരം കാണണമെന്നും എ.ഐ.വൈ.എഫ് സംസ്ഥാന സെക്രട്ടറി ടി.ടി. ജിസ്‌മോൻ പറഞ്ഞു. മുനമ്പത്ത് വർഷങ്ങളായി താമസിക്കുന്ന ഒരു കുടുംബത്തെയും കുടിയൊഴിപ്പിക്കാൻ അനുവദിക്കില്ല. എ.ഐ.വൈ.എഫ് ജില്ലാ കമ്മിറ്റിയുടെ നേതൃത്വത്തിൽ ചെറായിയിൽ സംഘടിപ്പിച്ച ബഹുജന സംഗമം ഉദ്ഘാടനം ചെയ്യുകയായിരുന്നു അദ്ദേഹം. എ.ഐ.വൈ.എഫ് ജില്ലാ പ്രസിഡന്റ് പി.കെ. രാജേഷ് അദ്ധ്യക്ഷനായി. സംസ്ഥാന പ്രസിഡന്റ് എൻ. അരുൺ, ജില്ലാ സെക്രട്ടറി കെ.ആർ. റെനീഷ്, സി.പി.ഐ വൈപ്പിൻ മണ്ഡലം സെക്രട്ടറി കെ.എൽ. ദിലീപ്കുമാർ, ഡിവിൻ കെ. ദിനകരൻ, ആൽവിൻ സേവ്യർ, കെ.ആർ. പ്രതീഷ്, ഡയാസ്റ്റിസ് കോമത്ത്, വി.എസ്. രഞ്ജിത്ത്, കെ.പി. വിപിൻ രാജ് എന്നിവർ പ്രസംഗിച്ചു.