മൂവാറ്റുപുഴ: മൂവാറ്റുപുഴ മാർക്കറ്റിന് സമീപമുള്ള കാളച്ചന്ത റോഡിൽ വില്പനയ്ക്കായെത്തിച്ച ഒന്നരക്കിലോ കഞ്ചാവുമായി അന്യസംസ്ഥാന തൊഴിലാളി പിടിയിൽ. വെസ്റ്റ്ബംഗാൾ മുർഷിദാബാദ് മേരംപൂർ അംജദ് ഷേക്കിനെയാണ് (47) മൂവാറ്റുപുഴ പൊലീസ് അറസ്റ്റുചെയ്തത്. 12 വർഷമായി മൂവാറ്റുപുഴ മാർക്കറ്റിൽ താമസിച്ച് സവാള മൊത്തവ്യാപാരസ്ഥാപനത്തിൽ ജോലി ചെയ്യുന്നയാളാണ് പ്രതി. ക്രൈം സ്‌ക്വാഡിന്റെ നിരീക്ഷണത്തിലായിരുന്നു ഇയാൾ. അന്വേഷണം തുടരുന്നു.

ഇൻസ്‌പെക്ടർ എസ്. ജയകൃഷ്ണന്റെ മേൽനോട്ടത്തിലുള്ള അന്വേഷണസംഘത്തിൽ എസ്.ഐമാരായ വിഷ്ണുരാജു, സി. ജയകുമാർ, എം.എം. ഉബൈസ്, സീനിയർ സി.പി.ഒമാരായ സി.കെ. മീരാൻ, ബിബിൽ മോഹൻ, കെ.എ. അനസ്, ഷാൻ മുഹമ്മദ്‌, സി.പി.ഒ ഫൈസൽ എന്നിവരാണ് ഉണ്ടായിരുന്നു.