ചോറ്റാനിക്കര: എസ്.എൻ.ഡി.പി യോഗം കെ. ആർ. നാരായണൻ സ്മാരക തലയോലപ്പറമ്പ് യൂണിയനിലെ കാഞ്ഞിരമറ്റം ആമ്പല്ലൂർ ശാഖ ഗുരുദേവ ദർശനത്തെ ആസ്പദമാക്കി മൂന്നു ദിവസങ്ങളിലായി നടത്തുന്ന ഗുരുജ്ഞാന സരണി ഒന്നാം ദിനം യൂണിയൻ പ്രസിഡന്റ് ഇ. ഡി. പ്രകാശൻ ഉദ്ഘാടനം ചെയ്തു. സ്വാമി മുക്താനന്ദ യതി 'ഗുരുദർശനം കുടുംബ ജീവിതത്തിൽ' എന്ന വിഷയത്തിൽ പ്രഭാഷണം നടത്തി. ശാഖാ പ്രസിഡന്റ് എ. ആർ. മോഹനൻ, സെക്രട്ടറി കെ. പി.ബിജീഷ്, സ്വാമിനി നിത്യ ചിന്മയി, മീരാ വിജയൻ, സേതുലക്ഷ്മി, സജി കാഞ്ഞിരമറ്റം എന്നിവർ സംസാരിച്ചു. സെമിനാറിനോടനുബന്ധിച്ച് കാർഷിക പ്രദർശനം, വ്യാവസായിക പ്രദർശനം, പുസ്തക പ്രദർശനം എന്നിവ സംഘടിപ്പിച്ചിട്ടുണ്ട്. 24ന് വൈകിട്ട് 5 ന് നടക്കുന്ന സമാപന സമ്മേളനം എസ്.എൻ.ഡി.പി യോഗം ജനറൽ സെക്രട്ടറി വെളളാപ്പളളി നടേശൻ ഉദ്ഘാടനം ചെയ്യും.