കാക്കനാട് : അദ്ധ്യാപക - സർവീസ് സംഘടനാ സമരസമിതിയുടെ നേതൃത്വത്തിൽ നടക്കുന്ന സമരം വിജയിപ്പിക്കുന്നതിനുവേണ്ടിയുള്ള പ്രവർത്തനങ്ങളുമായി മുന്നോട്ടു പോകുവാൻ ജോയിന്റ് കൗൺസിൽ എറണാകുളം ജില്ലാ പ്രവർത്തക കൺവെൻഷൻ തീരുമാനിച്ചു. പന്ത്രണ്ടാം ശമ്പള പരിഷ്കരണ നടപടികൾ ആരംഭിക്കുക, കുടിശ്ശിക ക്ഷാമബത്ത അനുവദിക്കുക, പതിനൊന്നാം ശമ്പളപരിഷ്കരണ കുടിശ്ശിക അനുവദിക്കുക, കേന്ദ്രസർക്കാരിന്റെ കേരളത്തോടുള്ള സാമ്പത്തിക വിവേചനം അവസാനിപ്പിക്കുക എന്നീ ആവശ്യങ്ങളുന്നയിച്ച് ഡിസംബർ 10,11 തീയതികളിൽ സെക്രട്ടറിയേറ്റിന് മുന്നിൽ നടക്കുന്ന 36 മണിക്കൂർ സത്യാഗ്രഹ സമരം വിജയിപ്പിക്കുന്നതിന് വേണ്ടി കാക്കനാട് ജില്ലാ പഞ്ചായത്ത് ഹാളിൽ ചേർന്ന കൺവെൻഷൻ ജോയിന്റ് കൗൺസിൽ സംസ്ഥാന വൈസ് ചെയർമാൻ നരേഷ്‌കുമാർ കുന്നിയൂർ ഉദ്ഘാടനം ചെയ്തു. ജില്ലാ പ്രസിഡന്റ് എം.എ അനൂപ് അദ്ധ്യക്ഷത വഹിച്ചു. ജോയിന്റ് കൗൺസിൽ സംസ്ഥാന സെക്രട്ടറിയേറ്റംഗങ്ങളായ എം.സി ഗംഗാധരൻ, ബിന്ദു രാജൻ, കമ്മിറ്റിയംഗം സി.എ അനീഷ്, ജില്ലാ സെക്രട്ടറി ഹുസൈൻ പതുവന, വനിതാ കമ്മിറ്റി ജില്ലാ സെക്രട്ടറി എം.സി ഷൈല,​ സംസ്ഥാന കമ്മിറ്റിയംഗം പി.എ രാജീവ്,​ ജില്ലാ ട്രഷറർ കെ.കെ ശ്രീജേഷ് തുടങ്ങിയവർ സംസാരിച്ചു.