ആലുവ: തോട്ടക്കാട്ടുകരയിൽ പൂട്ടികിടക്കുന്ന വീട്ടിലെ മോഷണം വിദേശത്തായിരുന്ന വീട്ടുടമ സി.സി ടിവിയിൽ കണ്ടെത്തി. റോയൽ നഗറിൽ കറുകപ്പാടത്ത് നസീറിന്റെ വീടിന്റെ പിൻവാതിൽ തകർത്ത് അകത്തുകടന്ന മോഷ്ടാവ് അലമാരയിലുണ്ടായിരുന്ന ഒന്നേകാൽ ലക്ഷത്തോളം രൂപവരുന്ന വളയാണ് മോഷ്ടിച്ചത്.

അടച്ചിട്ടിരിക്കുന്ന വീട്ടിൽ ഇടയ്ക്ക് നോട്ടക്കാരനെത്തുകയാണ് പതിവ്. വിദേശത്തുള്ള നസീറും കുടുംബവും സി.സി ടി.വി പരിശോധിക്കാറുണ്ട്. ഇത്തരത്തിൽ പരിശോധിക്കുമ്പോഴാണ് കഴിഞ്ഞ ദിവസം പുലർച്ചെ 2.05 ന് മോഷ്ടാവ് അകത്തു കടക്കുന്ന ദൃശ്യം കണ്ടെത്തിയത്. നസീറിന്റെ പരാതിയിൽ ആലുവ പൊലീസ് അന്വേഷണം ആരംഭിച്ചു.