തിരുമാറാടി: തിരുമാറാടി ഗ്രാമപഞ്ചായത്തിൽ സംഘടിപ്പിക്കുന്ന കേരളോത്സവത്തിന് തുടക്കമായി. തിരുമാറാടി ഗവ. വി.എച്ച്.എസ്.എസ് ഗ്രൗണ്ടിൽ പഞ്ചായത്ത് പ്രസിഡന്റ്‌ അഡ്വ. സന്ധ്യാമോൾ പ്രകാശ് ഉദ്ഘാടനം ചെയ്തു. വൈസ് പ്രസിഡന്റ്‌ എം.എം ജോർജ് അദ്ധ്യക്ഷനായി. ഗ്രാമപഞ്ചായത്ത് അംഗങ്ങൾ, ബ്ലോക്ക്‌ പഞ്ചായത്ത് അംഗം സി.ടി ശശി, അസിസ്റ്റന്റ് സെക്രട്ടറി എസ്. സാബുരാജ് തുടങ്ങിയവർ സംസാരിച്ചു.
തിരുമാറാടി സ്കൂൾ ഗ്രൗണ്ടിൽ ക്രിക്കറ്റ്, അത്‌ലറ്റിക് മത്സരങ്ങളും ഗ്രാമപഞ്ചായത്ത് ഹാളിൽ കലാമത്സരങ്ങളും വടകര സെന്റ്‌ ജോൺസ് സ്കൂൾ ഗ്രൗണ്ടിൽ ഫുട്ബാൾ മത്സരങ്ങളും നടന്നു. പഞ്ചായത്തിന്റെ വിവിധ കേന്ദ്രങ്ങളിലായാണ് മത്സരങ്ങൾ സംഘടിപ്പിച്ചിരിക്കുന്നത്. തിരുമാറാടി സ്കൂൾ ഗ്രൗണ്ടിൽ നടന്ന ക്രിക്കറ്റ് മത്സരത്തിൽ ടി.വൈ.എം.എ തിരുമാറാടി ഒന്നാം സ്ഥാനവും ഗരുഡാ തിരുമാറാടി രണ്ടാം സ്ഥാനവും കരസ്ഥമാക്കി. വിജയികളായവർക്ക് മെമന്റൊയും സർട്ടിഫിക്കറ്റും വിതരണം ചെയ്തു.