തൃപ്പൂണിത്തുറ: അഖിലഭാരത അയ്യപ്പസേവാ സംഘത്തിന്റെ ആഭിമുഖ്യത്തിൽ ശ്രീപൂർണത്രയീശ ക്ഷേത്രത്തിലെ വൃശ്ചികോത്സവത്തിനെത്തുന്ന ഭക്തജനങ്ങൾക്ക് രാവിലെ സംഭാരവും വൈകിട്ട് ചുക്കുകാപ്പിയും കിഴക്കേനടയിലെ സേവാസംഘം സ്റ്റാളിൽ നിന്ന് സൗജന്യമായി വിതരണം ചെയ്യും. സ്റ്റാളിന്റെ ഉദ്ഘാടനം 29ന് വൈകിട്ട് 6ന് തന്ത്രി പുലിയന്നൂർ അനുജൻ നാരായണൻ നമ്പൂതിരിപ്പാട് നിർവഹിക്കും. അയ്യപ്പസേവാസംഘം ഭാരവാഹികളായി കെ.ബി. വേണുഗോപാൽ (പ്രസിഡന്റ്), എ. നന്ദകുമാർ (വൈസ് പ്രസിഡന്റ്), എ. വിജയകുമാർ (സെക്രട്ടറി), വി.പി. സതീശൻ, വി.ആർ ബാബു (ജോ.സെക്രട്ടറിമാർ), ടി.എസ്. ബാബു (ട്രഷറർ) എന്നിവരെ തിരഞ്ഞെടുത്തു.