കിഴക്കമ്പലം: കുന്നത്തുനാട് പഞ്ചായത്ത് ജീവനക്കാർക്കെതിരെ നടപടി സ്വീകരിക്കാനുളള ഭരണസമിതിയുടെ നീക്കത്തിൽ പ്രതിഷേധിച്ച് സി.പി.എമ്മിന്റെ നേതൃത്വത്തിൽ ജനകീയ മാർച്ച് സംഘടിപ്പിച്ചു. മോറക്കാലയിൽ നിന്ന് മാർച്ച് ആരംഭിച്ചു. തുടർന്ന് പഞ്ചായത്തിന് മുന്നിൽ നടന്ന ധർണ ജില്ലാ സെക്രട്ടേറിയറ്റ് അംഗം സി.ബി. ദേവദർശനൻ ഉദ്ഘാടനം ചെയ്തു. പട്ടിമറ്റം ലോക്കൽ സെക്രട്ടറി പി .ടി. കുമാരൻ അദ്ധ്യക്ഷനായി. ജില്ലാ കമ്മിറ്റി അംഗം സി.കെ. വർഗീസ്, ഏരിയ സെക്രട്ടറി കെ.കെ. ഏലിയാസ്, കുന്നത്തുനാട് ലോക്കൽ സെക്രട്ടറി എൻ.വി. വാസു, ഏരിയാ കമ്മിറ്റി അംഗങ്ങളായ എൻ.എം. അബ്ദുൾ കരിം, സി.പി. ഗോപാലകൃഷ്ണൻ എന്നിവർ സംസാരിച്ചു.