തൃപ്പൂണിത്തുറ: ശ്രീപൂർണത്രയീശ ക്ഷേത്രത്തിലെ വൃശ്ചികോത്സവത്തോട് അനുബന്ധിച്ച് അഖിലഭാരത അയ്യപ്പസേവാസംഘത്തിന്റെ നേതൃത്വത്തിൽ കിഴക്കേ നടയിൽ ഭക്തജനങ്ങൾക്ക് രാവിലെ മുതൽ സംഭാരവും വൈകിട്ട് ചുക്കുകാപ്പിയും സൗജന്യമായി വിതരണം ചെയ്യും. കൗണ്ടർ ഉദ്ഘാടനം തന്ത്രി പുലിയന്നൂർ നാരായണൻ നമ്പൂതിരിപ്പാട് നിർവഹിച്ചു. അയ്യപ്പ സേവാസംഘം യൂണിറ്റ് പ്രസിഡന്റ് കെ.ബി. വേണുഗോപാൽ അദ്ധ്യക്ഷനായി. സെക്രട്ടറി എ. വിജയകുമാർ, ട്രഷറർ ടി.എസ്. ബാബു, വി.ആർ. ബാബു, ഓമനക്കുട്ടൻ, എം.എസ്. സതീശൻ, സന്തോഷ് എന്നിവർ പങ്കെടുത്തു.