കാലടി: നാരായണ ഗുരുകുലം സ്റ്റഡി സർക്കിൾ എറണാകുളം ജില്ല സമിതിയുടെ ആഭിമുഖ്യത്തിൽ ഗുരു നിത്യചൈതന്യ യതി ജന്മശതാബ്ദി ആഘോഷങ്ങളുടെ ഭാഗമായി വിജ്ഞാന സദസ് ഇന്ന് രാവിലെ 9.00 ന് മലയാറ്റൂർ ദിവ്യ ശാന്തി നികേതനം നാരായണ ഗുരുകുലത്തിൽ നടക്കും. രാവിലെ ഹോമം, ഉപനിഷദ് പാരായണം എന്നിവക്കു ശേഷം മംഗളഭാരതി ട്രസ്റ്റ്‌ സെക്രട്ടറി സ്വാമിനി ത്യാഗീശ്വരി പ്രവചനം നടത്തും. എറണാകുളം ശങ്കരാനന്ദാശ്രമം സെക്രട്ടറി സ്വാമി ശിവസ്വരൂപാനന്ദ ഉദ്ഘാടനം ചെയ്യും. നാരായണ ഗുരുകുലം കാര്യദർശി സ്വാമി ശിവദാസ് അദ്ധ്യക്ഷനാകും. നിത്യ നികേതനം ആശ്രമത്തിലെ സ്വാമിനി നിത്യ ചിൻമയി, തോട്ടുവ മംഗളഭാരതി അദ്ധ്യക്ഷ ജ്യോതിർമയി ഭാരതി എന്നിവർ പ്രഭാഷണം നടത്തും. ഡോ. വത്സലൻ വാതുശേരി മുഖ്യാതിഥി ആകും. വി.ജി സൗമ്യൻ, ജയരാജ് ഭാരതി, എസ്.എൻ.ഡി.പി യോഗം മലയാറ്റൂർ ശാഖാ പ്രസിഡന്റ്‌ എം.പി. വിനയകുമാർ, ടി.പി. ജോയ്, കെ.പി. ലീലാമണി, എം.എസ്. സുരേഷ്, സി.എസ്. പ്രതീഷ്, പി.വി. നിഷാന്ത്, പി.കെ. ഷിജു, ഷാജി പഴയിടത്ത്, എ.കെ . മോഹനൻ, രാജേഷ് അടിമാലി എന്നിവർ സംസാരിക്കും.