മൂവാറ്റുപുഴ: മുതിർന്ന പൗരന്മാർക്കായി വയോമിത്രം പദ്ധതിയുടെ ഭാഗമായി വിനോദയാത്ര സംഘടിപ്പിച്ചു. മൗണ്ട് കാർമൽ കോളേജ് സോഷ്യൽ വർക്ക്‌ ഡിപ്പാർട്ട്മെന്റുമായി സഹകരിച്ച് നടത്തിയ സ്നേഹയാത്ര നഗരസഭ ഹെൽത്ത്‌ സ്റ്റാൻഡിംഗ് കമ്മിറ്റി ചെയർമാൻ പി.വി. അബ്ദുൽസലാം ഫ്ലാഗ് ഓഫ്‌ ചെയ്തു. നഗരസഭാ പരിധിയിലുള്ള അമ്പതോളം വയോജനങ്ങൾ യാത്രയിൽ പങ്കെടുത്തു. വേമ്പനാട് കായൽ, പാതിരാമണൽ ദ്വീപ് ,കുമരകം, കൈനഗിരി, ആലപ്പുഴ ബീച്ച്, തണ്ണീർ മുക്കം ബണ്ട്, പുന്നമട കായൽ എന്നിവ സന്ദർശിച്ചു.