കട്ടപ്പന : സി .എച്ച്. ആർ വിഷയത്തിൽ ഇടതു സർക്കാരിന്റെ കർഷകവിരുദ്ധ നിലപാടിൽ പ്രതിഷേധിച്ച് യൂയൂത്ത് കോൺഗ്രസ് ജില്ലാ കമ്മിറ്റിയുടെ നേതൃത്വത്തിൽ 24 മണിക്കൂർ നിരാഹാര സമരം തുടങ്ങി യു.ഡി.എഫ് ജില്ലാ ചെയർമാൻ ജോയി വെട്ടുകുഴി സമരം ഉദ്ഘാടനം ചെയ്തു. പതിറ്റാണ്ടുകളായി പട്ടയത്തിനായി കാത്തിരിക്കുന്ന ആയിരകണക്കിന് കർഷകരുടെ സ്വപ്നങ്ങളാണ് പട്ടയ വിതരണം തടഞ്ഞ സുപ്രീം കോടതി വിധിയോടെ ഇല്ലാതായത്. 1964 ലെ ഭൂ പതിവ് നിയമ പ്രകാരമുള്ള പട്ടയ വിതരണം ഹൈക്കോടതി തടഞ്ഞിട്ട് 8 മാസം കഴിഞ്ഞു. ഈ വിധി പുനപരിശോധിക്കാൻ ഒരു നടപടിയും സർക്കാർ സ്വീകരിച്ചിട്ടില്ല. കൃഷി ഭൂമി ഉൾപ്പടെ 1100 ഏക്കറാണ് പിണറായി സർക്കാർ ജില്ലയിൽ വനമാക്കി മാറ്റിയത്. സർക്കാരിന്റെ കർഷക വിരുദ്ധ നിലപാട് തിരുത്തണമെന്നും അല്ലായെങ്കിൽ ശക്തമായ തുടർ പ്രക്ഷോഭം നടത്തുമെന്നും നിരാഹാര സമരത്തിന് നേതൃത്വം നൽകുന്ന യൂത്ത് ജില്ലാ പ്രസിഡന്റ് ഫ്രാൻസിസ് ദേവസ്യ പറഞ്ഞു. സമരത്തിൽ നേതാക്കളായ തോമസ് രാജൻ ,മുകേഷ് മോഹൻ ,ജോബിൻ മാത്യു, ഷിൻസ് ഏലിയാസ് , മോബിൻ മാത്യു,ശാരി ബിനു ശങ്കർ , മകേഷ് മോഹൻ ,ബിജോ മാണി, ജെയ്സൻ കെ. ആന്റണി,എം. ഡി അർജുനൻ,തോമസ് മൈക്കിൾ , സിജു ചക്കു മൂട്ടിൽ,ആൽബിൻ മണ്ണൻചേരിൽ, ആനന്ദ് തോമസ്, ജിതിൻ തോമസ് ഉപ്പുമാക്കൽ, ജോസ് പുത്തനാട്ട്,അലൻ സി മനോജ്, റോബിൻ ജോർജ്, സിബി മാത്യു,ടിനു ദേവസ്യാ, ജോയി ആനിതോട്ടം, സിബി പാറപ്പായ്, പ്രശാന്ത് രാജു, എ.എം സന്തോഷ്, സജിവ് കെ. എസ് എന്നിവർ സംസാരിച്ചു.നിരാഹാരസമരം ഇന്ന് വൈകിട്ട് 5 മണിക്ക് അവസാനിക്കും. സമാപനസമ്മേളനം കോൺഗ്രസ് രാക്ഷ്ട്രീയകാര്യ സമിതി അംഗം ജോസഫ് വാഴക്കൻ ഉദ്ഘാടനം ചെയ്യും.