കട്ടപ്പന :കാഞ്ചിയാർ കൽത്തൊട്ടി ദൃശ്യ ആർട്സ് ആൻഡ് സ്‌പോർട്സ് ക്ലബ്ബിന്റെ 20ാം വാർഷികാഘോഷനടത്തി.. ക്ലബ്ബിന്റെ ഇരുപതാം വാർഷിക ആഘോഷം അഡ്വ. ഡീൻ കുര്യാക്കോസ് എം.പി ഓൺ ലൈനായി ഉദ്ഘാടനം ചെയ്തു. ക്ലബ്ബ പ്രസിഡന്റ് ഷെൽജി പുല്ലാട്ട് അദ്ധ്യക്ഷനായിരുന്നു . കാഞ്ചിയാർ പഞ്ചായത്ത് വൈസ് പ്രസിഡന്റ് വിജയകുമാരി ജയകുമാർ മുഖ്യപ്രഭാഷണം നടത്തി. വിവിധ മേഖലകളിൽ മികവ് തെളിയിച്ചവരെ ആദരിച്ചു.മെഗാ ഗാനമേളയും സംഘടിപ്പിച്ചിരുന്നു.ക്ലബ്ബിന്റെ കീഴിൽ യൂത്ത് ക്ലബ്ബും ചിൽഡ്രൻസ് ക്ലബ്ബും സ്വയംസഹായ സംഘങ്ങളും പ്രവർത്തിച്ചുവരുന്നുണ്ട്. രണ്ടുപതിറ്റാണ്ടായി രക്തദാന സേനയും സജീവമായുണ്ട്. കുട്ടികൾക്കും മുതിർന്നവർക്കുമായി ബോധവൽക്കരണ ക്ലാസുകളും കർഷകർക്കായി സെമിനാറുകളും സംഘടിപ്പിക്കുന്നുണ്ട്.ക്ലബ് സെക്രട്ടറി ജോമോൻ തെക്കേൽ, ഭാരവാഹികളായ വിനീഷ് കടുപ്പിൽ, ജെയിംസ് മ്ലാക്കുഴി, ആൽബിൻ മണ്ണഞ്ചേരി എന്നിവർ നേതൃത്വം വഹിച്ചു.