തൊടുപുഴ: എസ്.എൻ.ഡി.പി യോഗം തൊടുപുഴ യൂണിയൻ രവിവാരപാഠശാലാ വിദ്യാർത്ഥികൾക്കും മാതാപിതാക്കൾക്കുമുള്ള ഫൈനൽ പരീക്ഷ യുംപഠനക്ളാസുംനടത്തി. ശാഖകളിൽ നടന്ന പ്രിലിമിനറി പരീക്ഷകളിൽ വിജയികളായ കുട്ടികൾക്ക് യൂണിയൻ തല പരീക്ഷ നടത്തി . ഗുരുധർമ്മ പ്രചാരകൻ സന്തോഷ് കണ്ണങ്കേരി( കോട്ടയം )പഠന ക്ലാസ് നയിച്ചു. രവിവാരപാഠശാല യൂണിയൻ ചെയർമാൻ ഷൈജു തങ്കപ്പന്റെ അദ്ധ്യക്ഷതയിൽനടന്ന യോഗം തൊടുപുഴ യൂണിയൻ കൺവീനർ പി.ടി. ഷിബു ഉദ്ഘാടനം ചെയ്തു.രവിവാരപാഠശാല രക്ഷാധികാരിയും യൂണിയൻ അഡ്മിനിസ്‌ട്രേറ്റീവ് കമ്മിറ്റി അംഗവുമായ സ്മിത ഉല്ലാസ് പരീക്ഷയിൽ വിജയികളായവർക്ക് സമ്മാനങ്ങൾ വിതരണം ചെയ്തു. യൂണിയൻ അഡ്മിനിസ്‌ട്രേറ്റീവ് കമ്മിറ്റി അംഗം ,എ.ബി. സന്തോഷ്, വനിത സംഘം യൂണിയൻ വൈസ് പ്രസിഡന്റ് ശോഭന രാജൻ, കേന്ദ്രകമ്മറ്റി അംഗം മൃദുല വിശ്വംഭരൻ, യൂത്ത്മൂവ് മെന്റ് ചെയർമാൻ അഖിൽ സുഭാഷ് സൈബർ സേന ചെയർമാൻ സതീഷ് വണ്ണപ്പുറം, കൺവീനർ ശ്രീജിത്ത് ടി. ആർ തുടങ്ങിയവർ ആശംസകളർപ്പിച്ചു. മുൻ യോഗം ഡയറക്ടർ ബോർഡ് അംഗവും കരിമണ്ണൂർ ശാഖാ രവിവാര പാഠശാല പ്രധാനാദ്ധ്യാപികയുമായ കമലാക്ഷി ടീച്ചറെ യോഗത്തിൽ ആദരിച്ചു.രവിവാര പാഠശാല യൂണിയൻ കൺവീനർ അജിമോൻ ചിറയ്ക്കൽ സ്വാഗതവും . രവിവാരപാഠശാല വൈസ് ചെയർമാൻ സിബി മുള്ളരിങ്ങാട്നന്ദിപറഞ്ഞു.