വഴിത്തല: എസ്.എൻ.ഡി.പി യോഗം വഴിത്തല ശാഖയുടെ 2022- 23 വർഷത്തെ വാർഷിക പൊതുയോഗം തൊടുപുഴ യൂണിയൻ കൺവീനർ പി.ടി. ഷിബുവിന്റെ അദ്ധ്യക്ഷതയിൽ ചേർന്നു. രാവിലെ 10.30ന് ആരംഭിച്ച യോഗത്തിൽ ശാഖാ പ്രസിഡന്റ് പി.വി. ഷൈൻ പാറയിൽ സ്വാഗതമാശംസിച്ചു. 2022- 23 വർഷത്തെ വാർഷിക റിപ്പോർട്ടും വരവ് ചെലവ് കണക്കും ശാഖാ സെക്രട്ടറി ഹരിശങ്കർ നടുപ്പറമ്പിൽ അവതരിപ്പിച്ചു. യൂണിയൻ കമ്മിറ്റി അംഗം സ്മിത ഉല്ലാസ് സംഘടനാ സന്ദേശം നൽകിയ യോഗത്തിൽ വനിതാ സംഘം പ്രസിഡന്റ് അമ്പിളി ബിജു,​ സെക്രട്ടറി നിഷ ഗണേശൻ,​ യൂത്ത് മൂവ്മെന്റ് പ്രസിഡന്റ് വിനീഷ് വിശ്വംഭരൻ,​ സെക്രട്ടറി സുജിത് പി.എൻ,​ ശാഖാ പഞ്ചായത്ത് കമ്മിറ്റി അംഗം മഞ്ജു മജീഷ് എന്നിവർ സംസാരിച്ചു. ശാഖാ വൈസ് പ്രസിഡന്റ് പി.കെ. രാജൻ പന്തമാക്കൽ നന്ദിയും പറഞ്ഞു.