തൊടുപുഴ: പ്രശസ്ത കവിയത്രി സുഗത കുമാരിയുടെ നവതി ആഘോഷങ്ങളുടെ ഭാഗമായി സംഘടിപ്പിച്ച ഒരു തൈ നടാം പദ്ധതിക്ക് തുടക്കമായി.

സുഗത സൂക്ഷ്മ വനം പദ്ധതിയുടെ സംസ്ഥാനതല ഉദ്ഘാടന വേളയിൽ, ജില്ലയെ പ്രതിനിധീകരിച്ച് കേന്ദ്ര മന്ത്രി അർജുൻ റാം മേഘ്വാളിൽനിന്ന് ദി വില്ലേജ് ഇന്റർനാഷണൽ സ്‌കൂൾ മാനേജിംഗ് ഡയറക്ടർ ആർ കെ ദാസ് വൃക്ഷത്തൈ ഏറ്റുവാങ്ങി.പെരുമ്പാവൂർ പ്രഗതി അക്കാദമിയിൽ നടന്ന ചടങ്ങിൽ ജസ്റ്റിസ് ശ്രീ ദേവൻ രാമചന്ദ്രൻ അദ്ധ്യക്ഷനായിരുന്നു. മുൻ മിസോറാം ഗവർണർ കുമ്മനം രാജശേഖരൻ പദ്ധതിയുടെ വിശദാംശങ്ങൾ നൽകി സംസാരിച്ചു. നാഷണൽ കൗൺസിൽ ഓഫ് സിബിഎസ്ഇ സ്‌കൂൾ സെക്രട്ടറി ജനറൽ ഡോ.ഇന്ദിരാ രാജൻ ആമുഖപ്രഭാഷണം നടത്തി. പ്രഗതി അക്കാദമി പ്രിൻസിപ്പൽ സുചിത്ര ഷൈജിന്ത് സ്വാഗതം പറഞ്ഞു. എൽദോസ് കുന്നപ്പിള്ളി എം.എൽ.എ, പെരുമ്പാവൂർമുൻസിപ്പൽ കൗൺസിൽ ചെയർമാൻ പോൾ പാത്തിക്കൽ എന്നിവർ ആശംസാ പ്രസംഗം നടത്തി നവതി കമ്മിറ്റി ജനറൽ കൺവീനർ ബി .പ്രകാശ് ബാബു നന്ദിയും പറഞ്ഞു.വില്ലേജ് ഇന്റർനാഷണൽ സ്‌കൂളിൽ നിന്നുള്ള പത്ത് വിദ്യാർത്ഥികളും മൂന്ന് അദ്ധ്യാപകരും അടങ്ങുന്ന ഒരു സംഘം ഈ ചടങ്ങിൽ പങ്കെടുത്തു. വില്ലേജ് ഇന്റർനാഷണൽ സ്‌കൂളിൽ നവംബർ അവസാന വാരം പദ്ധതിക്കു തുടക്കമാകുമെന്ന് പ്രിൻസിപ്പൽ സക്കറിയാസ് ജേക്കബ് അറിയിച്ചു.