ഉപ്പുതറ: ഫാർമേഴ്സ് ഡെവലപ്പ്‌മെന്റ് സൊസൈറ്റിയുടെ നേതൃത്വത്തിൽ തേനീച്ച വളർത്തൽ പഠന ക്ലാസ്സ് നടത്തി. പഞ്ചായത്തംഗം സാബു വേങ്ങവേലിൽ അദ്ധ്യക്ഷത വഹിച്ച യോഗത്തിൽ ജില്ലാ പഞ്ചായത്ത് വൈസ് പ്രസിഡന്റ് ആശ ആന്റണി ഉദ്ഘാടനം നിർവഹിച്ചു.തേനീച്ച വളർത്തലിനെ ആധുനിക രീതിയും മികച്ച കൃഷി, ഉത്പാദനം,വിപണനം സംബന്ധിച്ച് മികച്ച കർഷകനായ ടി. കെ രാജു വിശദീകരിച്ചു.കേന്ദ്ര ഗവൺമെന്റിന്റെ വിവിധ സബ്സിഡി, ലോൺ മുതലായവ അവതരിപ്പിച്ചതിലൂടെ കൂടുതൽ കർഷകർ തേനീച്ച കൃഷിയിലേക്ക് കടന്നുവരാൻ താത്പര്യം പ്രകടിപ്പിച്ചു.സെക്രട്ടറി സുധീഷ് സുധൻ, അനിൽ മതിയത്ത് (പ്രോഗ്രാം കോർഡിനേറ്റർ ), രാജേഷ് പി. എസ്, ശ്രീ ജെയിംസ് ജോസഫ് എന്നിവർ പ്രസംഗിച്ചു.