കട്ടപ്പന : കേരള കരാട്ടെ അസോസിയേഷന്റെ അംഗത്വമുള്ള ള്ള ഇടുക്കി ജില്ലാ കരാട്ടെ അസോസിയേഷൻ പുനസംഘടിപ്പിക്കുന്നതിന്റെ ഭാഗമായി ജില്ലയിലെ കരാട്ടെ പരിശീലകരുടെ യോഗം കട്ടപ്പന വൈ.എം.സി.എ ഹാളിൽ ചേർന്നു. കേരള കരാട്ടെ അസോസിയേഷൻ ചുമതലപ്പെടുത്തിയ അഡ് ഹോക് കമ്മിറ്റി ചെയർമാൻ ആർ സ്വരാജ് അദ്ധ്യക്ഷത വഹിച്ചു. ജില്ലയിലെ കരാട്ടെ അസോസിയേഷനിൽ അംഗത്വം എടുത്ത് പരിശീലനം നടത്തി വരുന്ന മുപ്പത്തി അഞ്ചിൽ അധികം പരിശീലകർ യോഗത്തിൽ പങ്കെടുത്തു. കേരള കരാട്ടെ അസോസിയേഷൻ ജനറൽ സെക്രട്ടറി ഇൻചാർജ് പി .ചന്ദ്രശേഖരപണിക്കർ യോഗം ഉദ്ഘാടനം ചെയ്തു.അസോസിയേഷൻ ട്രഷറർ പി പി വിജയകുമാർ ആമുഖ പ്രസംഗം നടത്തി. ബാനർജി പി വി കൺവീനറായി അഞ്ചംഗ സമിതിയെ യോഗം ചുമതലപ്പെടുത്തി. യോഗത്തിൽ വൈ.എം.സി.എ പ്രസിഡന്റ് രജിത് ജോർജ്, വൈ.എം.സി.എനാഷണൽ എഡ്യൂക്കേഷൻ ബോർഡ് ചെയർമാൻ ജോർജ് ജേക്കബ്,സെക്രട്ടറി കെ ജെ ജോസഫ്,ട്രഷറർ യു സി തോമസ്,ദിലീപ് ഒ എസ്,സലിം എം കെ, ബിനു, യേശുദാസ്, കേരള കരാട്ടെ അസോസിയേഷൻ വൈസ് പ്രസിഡന്റ് ജോയി പോൾ സ്വാഗതവും ഭരണ സമിതി അംഗം കെ എ ആന്റണി എന്നിവർ സംസാരിച്ചു.