ഇടുക്കി: ധർത്തി ആഭാ ജനജാതീയ ഗ്രാം ഉത്കർഷ് അഭിയാൻ പദ്ധതിയുടെ സംസ്ഥാനതല ഉദ്ഘാടനം 15ന് രാവിലെ 10.30ന് ഇടുക്കി കുമളി മന്നാൻ നഗർ സാംസ്‌കാരിക നിലയത്തിൽ പ്രധാനമന്ത്രി ഓൺലൈനായി നിർവഹിക്കും. കേന്ദ്രസഹമന്ത്രി അഡ്വ. ജോർജ്ജ് കുര്യൻ വിശിഷ്ടാതിഥിയാകും. ഡീൻ കുര്യക്കോസ് എം.പി, വാഴൂർ സോമൻ എം.എൽ.എ എന്നിവർ പങ്കെടുക്കും. കേരളത്തിൽ വയനാട്, പാലക്കാട്, കാസർഗോഡ്, ഇടുക്കി എന്നീ ജില്ലകളാണ് പദ്ധതിയിലുൾപ്പെടുന്നത്. 89 പട്ടിക വർഗ ഗ്രാമങ്ങൾ കേരളത്തിൽ നിന്ന് തിരഞ്ഞെടുത്തിട്ടുണ്ട്. അടിസ്ഥാന സൗകര്യങ്ങൾ, ആരോഗ്യം, വിദ്യാഭ്യാസം, ഉപജീവനമാർഗം എന്നിങ്ങനെ നാല് മേഖലകളിലായി പട്ടിക വർഗ ജനതയുടെ സമഗ്രവികസനമാണ് പദ്ധതിയുടെ ലക്ഷ്യം.