ഇടുക്കി: പട്ടികജാതി വിഭാഗത്തിൽപ്പെട്ട നഴ്സിങ്(ബിഎസ് സി നഴ്സിങ്/ജി.എം.എം) ബിരുദധാരികളെ അപ്രന്റീസ് നഴ്സായും പാരാമെഡിക്കൽ ബിരുദ/ഡിപ്ലോമക്കാരെ പാരാമെഡിക്കൽ അപ്രന്റീസായും ജില്ലയിലെ സാമൂഹിക ആരോഗ്യ കേന്ദ്രം, കുടുംബാരോഗ്യ കേന്ദ്രം, ജനറൽ ആശുപത്രി,ജില്ലാ ആശുപത്രി എന്നിവിടങ്ങളിൽ നിയമിക്കുന്നു.
താൽക്കാലികമായാണ് നിയമനം. ഉദ്യോഗാർത്ഥികൾ 21 നും 35 നും ഇടയിൽ പ്രായമുള്ളവരായിരിക്കണം. ഉദ്യോഗാർത്ഥികൾക്ക് കേരള നേഴ്സിംഗ് കൗൺസിൽ, കേരള പാരാമെഡിക്കൽ കൗൺസിൽ എന്നിവയുടെ രജിസ്‌ട്രേഷൻ സർട്ടിഫിക്കറ്റ് ഉണ്ടായിരിക്കണം. ബയോഡാറ്റ, വിദ്യാഭ്യാസ യോഗ്യത തെളിയിക്കുന്ന സർട്ടിഫിക്കറ്റ്, കേരള നഴ്സിംഗ് കൗൺസിൽ, കേരള പാരാമെഡിക്കൽ കൗൺസിൽ സർട്ടിഫിക്കറ്റ്, ജാതി സർട്ടിഫിക്കറ്റ് എന്നിവയുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം വെള്ള പേപ്പറിൽ തയ്യാറാക്കിയ അപേക്ഷ 23 ന് വൈകുന്നേരം 5 ന് മുൻപായി ജില്ലാ പട്ടികജാതി വികസന ഓഫീസ്, കളക്ടറേറ്റ്, പൈനാവ് പി ഒ., ഇടുക്കി 685603 എന്ന മേൽവിലാസത്തിൽ ലഭ്യമാക്കണം. ഫോൺ: 04862296297.