1 ജിബി ഡാറ്റ തികച്ചും സൗജന്യം
ഇടുക്കി: ജില്ലയിൽ 79 ഇടങ്ങളിൽ ഇനി സൗജന്യമായി വൈഫൈ ലഭിച്ചു തുടങ്ങി. സംസ്ഥാന ഐ.ടി മിഷൻ ബി.എസ്.എൻ.എലുമായി ചേർന്ന് നടപ്പിലാക്കുന്ന സൗജന്യ വൈഫൈ സംവിധാനത്തിന്റെ രണ്ടാംഘട്ട പ്രവർത്തനങ്ങൾ പൂർത്തിയായതോടെയാണ് ജില്ലയിലും സൗജന്യ വൈഫൈ ലഭിച്ചു തുടങ്ങിയത്. സംസ്ഥാനമൊട്ടാകെ 2023 പൊതുസ്ഥലങ്ങളിലാണ് സൗജന്യ വൈഫൈ സേവനം ലഭിക്കുക. ദിവസവും 10 എം.ബി.പി.എസ് വേഗതയിൽ 1 ജിബി ഡാറ്റ തികച്ചും സൗജന്യമായും തുടർന്ന് കൂടുതൽ ഡാറ്റ മിതമായ നിരക്കിലും ലഭിക്കും. ബസ് സ്റ്റോപ്പുകൾ, ജില്ലാ ഓഫീസുകൾ, പഞ്ചായത്ത് ഓഫീസുകൾ, പ്രധാനപ്പെട്ട സർക്കാർ ഓഫീസുകൾ തുടങ്ങിയ സ്ഥലങ്ങളിലാണ് സൗജന്യ ഇന്റർനെറ്റ് ലഭിക്കുക.
വൈഫൈ ഇവിടങ്ങളിൽ
പഞ്ചായത്തുകളായ ആലക്കോട്, മുട്ടം, അറക്കുളം, ദേവികുളം, കരിമണ്ണൂർ, വാഴത്തോപ്പ്, കുമളി, ശാന്തമ്പാറ, വെള്ളിയാമറ്റം, ഇടവെട്ടി, ഉടുമ്പന്നൂർ, ഏലപ്പാറ, അടിമാലി, കഞ്ഞിക്കുഴി, കരിങ്കുന്നം, കോടിക്കുളം, കൊന്നത്തടി, മറയൂർ, മരിയാപുരം, വാത്തിക്കുടി, നെടുങ്കണ്ടം, പള്ളിവാസൽ, പെരുവന്താനം, പുറപ്പുഴ, രാജകുമാരി, കാമാക്ഷി, ഉടുമ്പഞ്ചോല, വണ്ടന്മേട്, വണ്ടിപ്പെരിയാർ, വണ്ണപ്പുറം, വെള്ളത്തൂവൽ, ബ്ലോക്ക് പഞ്ചായത്തുകളായ ഇളംദേശം,
ദേവികുളം, നെടുങ്കണ്ടം, അഴുത, അടിമാലി, പഞ്ചായത്ത് ഓഫീസുകളായ ചക്കുപള്ളം, ഇടുക്കി, കുമാരമംഗലം, മൂന്നാർ, കോലാനി ബ്ലോക്ക് ഓഫീസ്, താലൂക്ക് ആശുപത്രികളായ തൊടുപുഴ, പീരുമേട്, അടിമാലി, ഇടുക്കി ആയുർവേദ ആശുപത്രി, മൃഗാശുപത്രികളായ മങ്ങാട്ടുകവല, മുള്ളരിങ്ങാട്, ഗവ. എൻജിനിയറിംഗ് കോളേജുകളായ മൂന്നാർ, മുട്ടം, കട്ടപ്പന ഗവ. കോളേജ്, ഗവ. പോളിടെക്നിക് കോളേജുകളായ മുട്ടം, വണ്ടിപ്പെരിയാർ, സ്വകാര്യ ബസ് സ്റ്റാൻഡുകളായ തൊടുപുഴ, കട്ടപ്പന, കെ.എസ്.ആർ.ടി.സി ഡിപ്പോകളായ കുമളി, തൊടുപുഴ, മൂന്നാർ, വില്ലേജ് ഓഫീസുകളായ കാരിക്കോട്, കുമാരമംഗലം, മണക്കാട്, സിവിൽ സ്റ്റേഷനുകളായ പീരുമേട്, തൊടുപുഴ, നെടുങ്കണ്ടം, മുട്ടം കോടതി, മുതലക്കോടം ജംഗ്ഷൻ, തേക്കടി ബോട്ട് ലാൻഡിംഗ്, ചെറുതോണി ഫ്രണ്ട്സ് ജനസേവന കേന്ദ്രം, ഇടുക്കി കളക്ടറേറ്റ്, കട്ടപ്പന മുനിസിപ്പൽ ഓഫീസ്, കുമളി ബി.എസ്.എൻ.എൽ സർവീസ് സെന്റർ, മുരിക്കാശ്ശേരി എൽ.എ ഓഫീസ്,
പാറത്തോട് അക്ഷയ സെന്റർ, ആനവച്ചാൽ പാർക്കിംഗ് ഗ്രൗണ്ട്, രാജാക്കാട് പഞ്ചായത്ത് താത്കാലിക കെട്ടിടം, രാജമല ദേശീയോദ്യാനം, കുമളി പെരിയാർ ടൈഗർ റിസർവ് ഡയറക്ടർ ഓഫീസ്, തൊടുപുഴ സബ് രജിസ്ട്രാർ ഓഫീസ്, പൈനാവ് ജില്ലാ ആസ്ഥാനം.