തൊടുപുഴ: തൊടുപുഴ ശ്രീകൃഷ്ണസ്വാമിക്ഷേത്രത്തിൽ നടന്നുവരുന്ന ശ്രീമദ് ഭഗവത്ഗീതാഭാഷ്യപാരായണാഞ്ജലി 'ഗീതാമൃതം ഇന്ന് സമാപിക്കും. ക്ഷേത്രം ട്രസ്റ്റി എൻ.ആർ. സതീശൻ നമ്പൂതിരിപ്പാടിന്റെ അദ്ധ്യക്ഷതയിൽ ആരംഭിക്കുന്ന സമാപനസഭ കാലടി സംസ്‌കൃതസർവ്വകലാശാല മുൻ വൈസ്ചാൻസലർ ഡോ. കെ.എസ്. രാധാകൃഷ്ണൻ ഉദ്ഘാടനം ചെയ്യും. ഡോ. ജി. ഗംഗാധരൻനായർ മുഖ്യാതിഥി ആയിരിക്കും. ചിൻമയ ഇന്റർനാഷണൽ ഫൗണ്ടേഷൻ മുഖ്യആചാര്യൻ സ്വാമി ശാരദാനന്ദ സരസ്വതി മുഖ്യപ്രഭാഷണം നടത്തും. ശങ്കരാനന്ദാശ്രമം മഠാധിപതി സ്വാമി ശിവസ്വരൂപാനന്ദ പങ്കെടുക്കും ക്ഷേത്രം മാനേജിംഗ് ട്രസ്റ്റി എൻ.ആർ. പ്രദീപ് നമ്പൂതിരിപ്പാട്, നാരായണശർമ്മ ആനിക്കാട്, എം.ജി. രാജശേഖരൻ, ഡോ. അരുൺ ഭാസ്‌ക്കർ, ബി. വിജയകുമാർ എന്നിവർ ആശംസാ പ്രസംഗങ്ങൾ നടത്തും. ക്ഷേത്രം രക്ഷാധികാരി കെ.കെ. പുഷ്പാംഗദൻ സ്വാഗതം ആശംസിക്കും. കാലടി സംസ്‌കൃതസർവ്വകലാശാല മുൻ വൈസ് ചാൻസലർ ഡോ. കെ.എസ്. രാധാകൃഷ്ണൻ സമ്മാനവിതരണവും ക്ഷേത്രം കമ്മിറ്റി അംഗം അഡ്വ. ശ്രീവിദ്യാ രാജേഷ് നന്ദിയും പറയും.